Diweddaru’ch manylion: deiliaid tystysgrif arf tanio

Os oes gennych chi dystysgrif arf tanio neu dystysgrif dryll, mae angen ichi ddweud wrthon ni os yw'ch manylion wedi newid.

Gallwch ddefnyddio’n ffurflen ar-lein i ddweud wrthon ni am y canlynol:

• newid enw
• newid cyfeiriad
• newid manylion cysylltu (ebost neu ffôn)
• newid meddyg teulu
• newid cyfeiriad neu fanylion cysylltu meddyg teulu
• newid ble rydych chi'n storio'ch arfau tanio

I roi gwybod inni am unrhyw newidiadau, diweddarwch eich manylion ar-lein.

Diagnosis meddygol

Mae angen ichi ddweud wrthon ni hefyd os ydych chi wedi cael diagnosis meddygol perthnasol.

Dyma’r cyflyrau meddygol perthnasol:

• adwaith straen acíwt neu adwaith acíwt i'r straen a achoswyd gan drawma, gan gynnwys anhwylder straen ôl-drawmatig
• meddyliau hunanladdol neu hunan-niweidiol, neu niwed i eraill
• iselder neu bryder
• dementia
• mania, anhwylder deubegynol neu salwch seicotig
• anhwylder personoliaeth
• cyflwr niwrolegol: er enghraifft, Sglerosis Ymledol, clefyd Parkinson neu glefyd Huntington, neu epilepsi
• camddefnyddio alcohol neu gyffuriau
• unrhyw gyflwr meddyliol neu gorfforol arall, neu gyfuniad o gyflyrau a allai fod yn berthnasol yn eich barn chi

Os oes gennych unrhyw amheuaeth, cysylltwch â'ch meddyg teulu.

I ddatgan diagnosis meddygol, neu os oes gennych unrhyw gwestiynau, cysylltwch ag adran trwyddedu arfau tanio'r heddlu.