Making an imPACT

Cyhoeddwyd prosiect ymchwil a fu'n edrych ar effaith cynllun ariannu PACT gan Brifysgol Glyndŵr Wrecsam.

Elusen annibynnol yw Ymddiriedolaeth Heddlu Gogledd Cymru a'r Gymuned (PACT) a lansiwyd yn 1998 i gefnogi mentrau cymunedol, yn enwedig rhai sy'n ymwneud â'r heddlu, sy'n ceisio gwella ansawdd bywyd drwy leihau troseddau ac ofn trosedd yng Ngogledd Cymru. Mae wedi cefnogi amrywiaeth eang o brosiectau, gan fuddsoddi dros £1,600,000 mewn cymunedau ar draws Gogledd Cymru.

I nifer sydd wedi bod yn rhan o'r prosiectau, dyma eu cyswllt cyntaf â'r heddlu. Felly, mae gwneud y cyswllt cyntaf gyda'r heddlu yn brofiad positif yn gallu cael canlyniadau dwfn ar benderfyniadau bywyd yn y dyfodol yn ogystal â perthynas pobl gyda'r system gyfiawnder.

Mae canlyniad yr arolwg wedi dangos bod PACT yn sefydliad gwerthfawr ar gyfer yr heddlu a chymunedau Gogledd Cymru ac yn gwneud gwahaniaeth gwirioneddol. Mae'n gwella bywyd unigolion, yn helpu sefydliadau i gynnal a helpu gwasanaethau hanfodol, helpu cymunedau i ddod yn fwy diogel a chryfach, ac yn helpu Heddlu Gogledd Cymru i gyflwyno eu gwasanaethau yn fwy effeithiol.

Ashley Rogers, Cadair Ymddiriedolaeth PACT: "O Wynedd yn y gorllewin draw i Sir y Fflint a Wrecsam yn y dwyrain, mae PACT yn parhau drwy Ogledd Cymru i gynorthwyo prosiectau sy'n galluogi datblygiad cymunedol cadarnhaol a chynaliadwy.  Nid yw cymorth cymunedol erioed wedi bod yn bwysicach na rŵan ynghanol pandemig Covid-19."

Mae'r adroddiad hwn yn cynnwys sylwadau gan y rhai a wnaeth gymryd rhan yn yr arolwg. Ceir enghreifftiau o'r rhain isod:

“Mae un person y buom yn gweithio gydag o a oedd i mewn ac allan o'r system droseddol, wedi dechrau ymweld â chartrefi gofal yn rheolaidd o ganlyniad i'r rhaglen.”

“[Heb PACT] ni fyddai fy mhrosiectau wedi digwydd, mor syml â hynny."

"Mae nifer o bobl ifanc mewn peryg o droseddu nawr ar lwybr cadarnhaol o ganlyniad i ymgysylltiad â phrosiectau PACT."

“Y prif effaith (ar gyfer yr henoed) yw'r sicrwydd o bresenoldeb yr heddlu - yn enwedig ar gyfer rhai sydd wedi eu hynysu ac sy’n unig."

"Mae pobl ifanc wedi adeiladu cysylltiadau gyda'r heddlu ac yn eu gweld fel rhan o'r gymuned - nid sefydliad heb wyneb."

• Gallwch ddarllen yr adroddiad llawn am PACT yma.
• Ceir gwybodaeth am sut i wneud cais am arian PACT ar wefan PACT.