Riportio digwyddiad traffig ffyrdd
Os ydych chi wedi bod yn gysylltiedig â digwyddiad traffig ffyrdd, neu'n credu y gallech fod wedi bod yn dyst i drosedd ar y ffyrdd, dysgwch sut i riportio’r peth drwy ddefnyddio’n hadnodd ar-lein syml. Atebwch y cwestiynau cyflym isod i sicrhau ein bod yn rhoi'r cyngor cywir ichi ac yn casglu'r holl fanylion perthnasol.
Offeryn cyngor
Riportio digwyddiad lle na chafodd neb eu hanafu a lle na chafodd unrhyw fanylion eu cyfnewid
Diolch. Os oeddech yn gysylltiedig â digwyddiad fel gyrrwr neu feiciwr, mae’n rhaid i chi riportio’r digwyddiad yn bersonol i’r heddlu cyn gynted ag sy’n rhesymol bosibl ac, mewn unrhyw achos, o fewn 24 awr i’r digwyddiad. Ni all unrhyw un arall wneud hyn i chi.
Gweler y Ddeddf Traffig Ffyrdd 1988, Adran 170 am fanylion pellach.
Rhowch gymaint o fanylion ag y gallwch am y digwyddiad.
Sut i riportio
Gallwch ei riportio:
- ar-lein - cliciwch 'Dechrau' isod i gychwyn
- yn eich gorsaf heddlu leol
- drwy ddweud wrth gwnstabl yr heddlu
Beth fyddwn yn gofyn i chi amdano
Gwnewch yn siŵr bod y manylion canlynol ar gael, os yn bosibl:
- dyddiad ac amser y digwyddiad
- rhif cofrestru a model eich cerbyd
- rhif cofrestru a model unrhyw gerbydau eraill sy’n gysylltiedig â’r digwyddiad
- manylion cyswllt y person arall, neu’r bobl eraill sy’n gysylltiedig â’r digwyddiad
- manylion cyswllt unrhyw dystion i’r digwyddiad
Tystion annibynnol
Rhaid i dyst annibynnol fod yn berson sydd wedi gweld y digwyddiad ond sydd heb gysylltiad o gwbl â'r digwyddiad neu unrhyw un sy'n gysylltiedig â’r digwyddiad.
- Ni allant fod yn yrrwr neu'n feiciwr sy'n gysylltiedig â'r digwyddiad.
- Ni allant fod yn deithiwr sy'n gysylltiedig â'r digwyddiad, oni bai eu bod mewn tacsi
- Ni allant fod yn gyfarwydd i un o'r gyrwyr neu'r beicwyr a fu'n gysylltiedig â’r digwyddiad, fel aelod o'r teulu neu ffrind.
Canllawiau ar dystiolaeth
I gael ei derbyn yn y llys, mae’n rhaid i dystiolaeth:
- gynnwys un funud cyn ac un funud ar ôl y digwyddiad mewn unrhyw ddeunydd fideo
- fod yn eich meddiant chi - y gwreiddiol a’r copi
- heb gael ei golygu na'i thrin mewn unrhyw ffordd
- heb gael ei rhannu ar y we (gan gynnwys y cyfryngau cymdeithasol)
Gellir rhannu lluniau fideo gyda'r partïon eraill sy'n gysylltiedig.
Mae'n fwy tebygol y byddwn yn gallu cymryd camau os yw rhif cofrestru'r cerbyd(au) sydd wedi troseddu yn weladwy yn y dystiolaeth.
Sylwer: os yw eich tystiolaeth yn eich dangos chi’n cyflawni trosedd, yn ogystal â'r troseddwr, efallai y cewch chi eich erlyn hefyd.
Beth fydd yn digwydd i’ch adroddiad ar-lein
Byddwn yn adolygu beth rydych wedi'i anfon atom ac yn asesu os gallwn gymryd unrhyw gamau.
Os na fyddwn wedi cysylltu â chi o fewn chwe wythnos, ni fyddwn yn gallu cymryd unrhyw gamau.
Ar ôl i chi gyflwyno adroddiad ar y wefan hon, byddwch yn gallu lawrlwytho copi ohono. Dyma fydd yr adroddiad gwrthdrawiad. Byddwch yn gallu anfon yr adroddiad hwnnw at eich cwmni yswiriant neu gyfreithiwr.
Pa mor hir mae'n ei gymryd i lenwi'r ffurflen hon
Amser cwblhau ar gyfartaledd: 20 munud.
Pan fyddwch chi'n barod, cliciwch 'Dechrau' i gychwyn.