Riportio digwyddiad traffig ffyrdd

Diolch. Os oeddech yn gysylltiedig â gwrthdrawiad fel gyrrwr neu feiciwr, mae’n rhaid i chi riportio’r digwyddiad yn bersonol i’r heddlu cyn gynted â phosibl, ac mewn unrhyw achos, o fewn 24 awr i’r gwrthdrawiad. Ni all unrhyw un arall wneud hyn i chi.

Gweler y Ddeddf Traffig Ffyrdd 1988, Adran 170 am fanylion pellach.

Rhowch gymaint o fanylion ag y gallwch am y digwyddiad.

Sut i riportio

Gallwch ei riportio:

• ar-lein - cliciwch 'Dechrau' isod i gychwyn
• yn eich gorsaf heddlu leol
• drwy ddweud wrth gwnstabl yr heddlu

Beth fyddwn yn gofyn i chi amdano

Gwnewch yn siŵr bod y manylion canlynol ar gael, os yn bosibl:

• dyddiad ac amser y digwyddiad
• rhif cofrestru a model eich cerbyd a rhif cofrestru a model cerbydau eraill sy’n gysylltiedig â’r digwyddiad
• manylion cyswllt y person arall, neu’r bobl eraill sy’n gysylltiedig â’r digwyddiad
• manylion cyswllt unrhyw un a anafwyd a manylion eu hanafiadau
• manylion cyswllt unrhyw dystion annibynnol i’r digwyddiad

Tystion annibynnol

Rhaid i dyst annibynnol fod yn berson sydd wedi gweld y digwyddiad ond sydd heb gysylltiad o gwbl â'r digwyddiad neu unrhyw un sy'n gysylltiedig â’r digwyddiad.

• Ni allant fod yn yrrwr neu'n feiciwr sy'n gysylltiedig â'r digwyddiad.
• Ni allant fod yn deithiwr sy'n gysylltiedig â'r digwyddiad, oni bai eu bod mewn tacsi
• Ni allant fod yn gyfarwydd i un o'r gyrwyr neu'r beicwyr a fu'n gysylltiedig â’r digwyddiad, fel aelod o'r teulu neu ffrind.

Fideos neu ffotograffau

Dylai’ch tystiolaeth chi:

• ddangos y digwyddiad cyfan
• dangos rhif cofrestru llawn y cerbyd (neu rif rhannol yn achos gwrthdrawiad)
• peidio â bod yn wahanol i’r wybodaeth rydych chi’n ei rhoi yn eich adroddiad

Mae’n rhaid ichi:

• gadw'r dystiolaeth wreiddiol heb ei golygu am 12 mis
• peidio â'i rhannu ar-lein (er enghraifft, yn y cyfryngau cymdeithasol)
• peidio â golygu’ch tystiolaeth (heblaw tocio un funud cyn dechrau ac ar ôl diwedd y digwyddiad)

Pwy sy'n gweld fy nhystiolaeth i

Os bydd yr achos yn mynd i'r llys, bydd Gwasanaeth Erlyn y Goron (CPS) a'r diffynnydd yn gweld y dystiolaeth. Efallai y byddwn ni hefyd yn defnyddio’ch fideo neu’ch ffotograffau i ategu hyfforddiant yr heddlu neu gynlluniau diogelwch ffyrdd.

Os yw eich tystiolaeth yn dangos eich bod chi wedi cyflawni trosedd, gallwn eich erlyn chithau hefyd.

TCC

Os ydych chi'n credu bod TCC wedi recordio’r digwyddiad, mae angen inni wybod:

• ble mae'r camera
• pwy yw perchennog y camera
• sut i gysylltu â nhw
• beth fydd y ffilm yn ei ddangos

Beth fydd yn digwydd i’ch adroddiad ar-lein

Byddwn yn adolygu beth rydych wedi'i anfon atom ac yn asesu os gallwn gymryd unrhyw gamau.

Os na fyddwn wedi cysylltu â chi o fewn chwe wythnos, ni fyddwn yn gallu cymryd unrhyw gamau.

Ar ôl i chi gyflwyno adroddiad ar y wefan hon, byddwch yn gallu lawrlwytho copi ohono. Dyma fydd yr adroddiad  gwrthdrawiad.  Byddwch yn gallu anfon yr adroddiad hwnnw at eich cwmni yswiriant neu gyfreithiwr.

Pa mor hir mae'n ei gymryd i lenwi'r ffurflen hon

Amser cwblhau ar gyfartaledd: 20 munud.

Pan fyddwch chi'n barod, cliciwch 'Dechrau' i gychwyn.