Riportio digwyddiad traffig ffyrdd

Diolch am gysylltu. Os oeddech yn gysylltiedig â gwrthdrawiad fel gyrrwr neu feiciwr, yn y rhan fwyaf o amgylchiadau, mae’r gyfraith yn ei gwneud yn ofynnol i chi stopio a chyfnewid manylion.

Os nad ydych wedi gwneud hynny am ryw reswm, mae’r rhaid i chi riportio’r mater i’r heddlu cyn gynted â phosibl, ac mewn unrhyw achos, o fewn 24 awr i’r gwrthdrawiad.

Gweler y Ddeddf Traffig Ffyrdd 1988, Adran 170 am fanylion pellach.

Sut i riportio

Gallwch ei riportio:

• ar-lein - cliciwch 'Dechrau' isod i gychwyn
• yn eich gorsaf heddlu leol
• drwy ddweud wrth gwnstabl yr heddlu

Beth fyddwn yn gofyn i chi amdano

Gwnewch yn siŵr bod y manylion canlynol ar gael, os yn bosibl:

• dyddiad ac amser y digwyddiad
• rhif cofrestru a model eich cerbyd
• manylion cyswllt y person arall, neu’r bobl eraill sy’n gysylltiedig â’r digwyddiad
• manylion cyswllt unrhyw dystion annibynnol i’r digwyddiad

Tystion annibynnol

Rhaid i dyst annibynnol fod yn berson sydd wedi gweld y digwyddiad ond sydd heb gysylltiad o gwbl â'r digwyddiad neu unrhyw un sy'n gysylltiedig â’r digwyddiad.

• Ni allant fod yn yrrwr neu'n feiciwr sy'n gysylltiedig â'r digwyddiad.
• Ni allant fod yn deithiwr sy'n gysylltiedig â'r digwyddiad, oni bai eu bod mewn tacsi
• Ni allant fod yn gyfarwydd i un o'r gyrwyr neu'r beicwyr a fu'n gysylltiedig â’r digwyddiad, fel aelod o'r teulu neu ffrind.

Beth fydd yn digwydd i’ch adroddiad ar-lein

Byddwn yn adolygu beth rydych wedi'i anfon atom ac yn asesu os gallwn gymryd unrhyw gamau.

Os na fyddwn wedi cysylltu â chi o fewn chwe wythnos, ni fyddwn yn gallu cymryd unrhyw gamau.

Ar ôl i chi gyflwyno adroddiad ar y wefan hon, byddwch yn gallu lawrlwytho copi ohono. Dyma fydd yr adroddiad  gwrthdrawiad. Byddwch yn gallu anfon yr adroddiad hwnnw at eich cwmni yswiriant neu gyfreithiwr.

Pa mor hir mae'n ei gymryd i lenwi'r ffurflen hon

Amser cwblhau ar gyfartaledd: 20 munud.

Pan fyddwch chi'n barod, cliciwch 'Dechrau' i gychwyn.

 

Dechrau