Riportio bod person ar goll
Does dim rhaid ichi aros 24 awr i riportio bod rhywun ar goll. Dyw riportio bod rhywun ar goll ddim yn gwastraffu amser yr heddlu. Rydyn ni yma i'ch diogelu chi a'ch anwyliaid.
Pan fyddwch chi’n rhoi gwybodaeth inni am berson sydd ar goll, fe fyddwn ni:
- yn adolygu ac asesu
- yn anfon neges ebost yn cadarnhau bod eich adroddiad wedi dod i law gan ddweud beth fydd yn digwydd nesaf
Bydd ein hystafell reoli yn delio â hyn yn yr un ffordd yn union p'un a fyddwch chi’n riportio ar-lein ynteu'n ein ffonio. Efallai y bydd yn haws ichi ateb y cwestiynau ar-lein wrth eich pwysau.
Mewn rhai achosion, efallai nad ni yw'r gwasanaeth mwyaf priodol ar gyfer eich cais. Gallwch ddarllen mwy am y dull Gofal Cywir, Person Cywir.
Offeryn cyngor
Riportio bod plentyn heb unrhyw broblemau meddygol ar goll yn y DU
Sut mae riportio
Gallwch chi lenwi’r ffurflen hon ar eich pen eich hun, heb siarad â swyddog heddlu.
Fe allai unrhyw wybodaeth rydych chi’n ei rhoi i ni fod yn ddefnyddiol wrth chwilio. Gorau po fwyaf o fanylion cawn ni, ond peidiwch â phoeni os nad oes gennych chi’r holl wybodaeth y mae’r ffurflen yn gofyn amdani.
Mae llawer o gwestiynau ar y ffurflen hon. Mae’n rhaid i chi ei llenwi i gyd ar yr un pryd. Does dim modd i chi gadw eich cynnydd a dod yn ôl rhywbryd eto. Mae gennych chi hyd at ddwy awr i lenwi pob tudalen ar y ffurflen.
Gallwch chi weld rhestr lawn o’r holl gwestiynau yma.
Am beth byddwn yn gofyn
- eich manylion sylfaenol a manylion cyswllt
- manylion sylfaenol y plentyn sydd ar goll
- manylion cyswllt y plentyn sydd ar goll
- risgiau penodol i blant
- sut maen nhw’n edrych
- beth ddigwyddodd cyn ac adeg y diflaniad
- beth roedden nhw’n ei wisgo pan wnaethon nhw ddiflannu
- pa arian a thrafnidiaeth gallen nhw
- eu defnyddio eu bywyd personol
- pobl eraill y byddwn yn dymuno siarad â nhw o bosib
Byddwn hefyd yn gofyn i chi lwytho llun diweddar i fyny.
Hyd yn oed os yw’r person wedi mynd ar goll o’r blaen, mae angen i chi roi cymaint o wybodaeth ag y gallwch i ni, gan gynnwys eu manylion sylfaenol. Y rheswm am hyn yw y gallai rhai o’r manylion fod wedi newid ers y tro diwethaf.
Os byddwch yn cofio am rywbeth ar ôl llenwi’r ffurflen hon, gallwch chi roi gwybod i ni am hynny ar-lein yn nes ymlaen.
Beth fydd yn digwydd i’ch adroddiad ar-lein
Os byddwch chi’n riportio ar-lein bod person ar goll, byddwn yn trin eich achos yr un modd yn union â phe byddech chi wedi ffonio 101.
Pa mor hir mae’n ei gymryd i lenwi’r ffurflen hon
Amser i’w llenwi ar gyfartaledd: 25-30 munud
Cliciwch 'Dechrau' pan fyddwch yn barod.