Riportio twyll, llwgrwobrwyo neu lygredd
Atebwch y cwestiynau hyn i ddysgu â phwy y dylech chi gysylltu os oes gennych wybodaeth am dwyll, llwgrwobrwyo neu lygredd posibl, neu os ydych chi'n credu eich bod wedi dioddef sgam neu dwyll.
Os ydych chi'n poeni y gallai rhywun weld eich hanes gwe, dyma wybodaeth am sut i guddio'r ymweliad hwn.
Offeryn cyngor
Riportio twyll etholiadol i'r heddlu
Twyll etholiadol yw pan fydd rhywun yn ceisio twyllo mewn etholiad. Mae hyn yn cynnwys:
- llwgrwobrwyo rhywun i bleidleisio yr un ffordd â chi
- cymryd arnoch bod yn rhywun arall er mwyn defnyddio'u pleidlais nhw
- ymgeisydd nad yw'n datgan ei dreuliau'n gywir
Os oes gennych chi dystiolaeth o dwyll etholiadol, gallwch ei riportio i'r heddlu ar-lein.
Byddwn yn gofyn ichi roi:
- eich manylion chi
- manylion y person neu'r sefydliad rydych chi'n gwneud honiad yn eu cylch
- gwybodaeth am eich honiad
Byddwn ni hefyd yn gofyn:
- a oes unrhyw anghenion arnoch o ran cyfathrebu (fel cyfieithydd)
- a ydy hyn yn ymwneud â honiad blaenorol
- a oes dogfennau gennych i ategu'ch honiad
- a ydych chi am inni gadw'ch adroddiad yn gyfrinachol
- a oes gennych unrhyw bryderon eraill (fel brawychu neu fygythiadau sydd wedi'u gwneud)
Peidiwch â phoeni os nad yw'r holl wybodaeth hon gennych. Dywedwch gymaint ag y gallwch.
Os nad ydych chi am ddweud wrth yr heddlu, gallwch gysylltu â Crimestoppers yn gyfrinachol ac yn ddienw.
Cliciwch ar 'Dechrau' er mwyn cychwyn.