Riportio ymddygiad gwrthgymdeithasol
Mae llawer math o ymddygiad gwrthgymdeithasol, o ymddygiad ymosodol, swnllyd neu sarhaus i aflonyddwch mewn cymdogaeth sy'n cynnwys cyffuriau, ceir sydd wedi’u gadael neu anifeiliaid.
Os ydych chi wedi bod yn dyst i ymddygiad gwrthgymdeithasol, riportiwch y peth i ni.
Gall eich cymdogaeth fod yn ardal lle rydych chi’n byw, yn gweithio neu'n ymweld yn aml.
Offeryn cyngor
Riportio ymyrryd â pheiriannau tocynnau i Heddlu Trafnidiaeth Prydain
Mae ymyrryd â pheiriannau tocynnau yn aml yn canolbwyntio ar ddyfeisiau talu'r peiriant. Gallai slot arian papur neu slot ceiniogau sy’n rhydd neu wedi'i rwystro, neu slot cardiau sy’n amlwg wedi'i ddifrodi, fod yn ymdrech gan droseddwr yn ceisio dwyn arian.
Os ydych chi wedi sylwi ar hyn, neu wedi sylwi ar rywun yn loetran yn agos neu'n gwylio peiriannau tocynnau, riportiwch y peth i Heddlu Trafnidiaeth Prydain.
Sut i riportio
Gallwch riportio hyn drwy ffonio Heddlu Trafnidiaeth Prydain ar 0800 405040 neu anfon neges destun atyn nhw ar 61016.
Yr hyn y gallen nhw ofyn ichi ei roi
Byddwch yn barod â’r manylion a ganlyn, os oes modd:
- yr orsaf reilffordd neu leoliad y digwyddiad
- beth ddigwyddodd
- pryd digwyddodd hyn
- enwau neu ddisgrifiadau'r bobl dan sylw