Riportio ymddygiad gwrthgymdeithasol
Mae llawer math o ymddygiad gwrthgymdeithasol, o ymddygiad ymosodol, swnllyd neu sarhaus i aflonyddwch mewn cymdogaeth sy'n cynnwys cyffuriau neu anifeiliaid.
Os ydych chi wedi bod yn dyst i ymddygiad gwrthgymdeithasol, riportiwch y peth i ni.
Gall eich cymdogaeth fod yn ardal lle rydych chi’n byw, yn gweithio neu'n ymweld yn aml.
Offeryn cyngor
Riportio tân gwyllt yn creu sŵn diangen ac aflonyddwch
Os ydych chi'n profi sŵn niwsans gan gymydog sy'n tanio tân gwyllt yn rheolaidd ar eu heiddo rhwng 7am ac 11pm, riportiwch hyn i'ch cyngor lleol.
Oriau nos y Deyrnas Unedig yw 11pm i 7am. Mae'n anghyfreithlon tanio tân gwyllt yn ystod y cyfnod hwn.
Eithriadau i’r rheol hon yw:
- Noson Tân Gwyllt (tan hanner nos)
- Nos Galan, Diwali, a'r Flwyddyn Newydd Tsieineaidd (tan 1am)
Os ydych chi'n profi un noson unigol, hir o aflonyddwch oherwydd tân gwyllt anghyfreithlon, gallwch riportio hyn i ni.
Sut i riportio
Gallwch riportio hyn ar-lein. Cliciwch 'Dechrau’ isod i lenwi’n ffurflen ar-lein gyflym a syml. Rhowch gymaint o wybodaeth ag y gallwch.
Yr hyn y byddwn yn gofyn ichi ei roi
Byddwch yn barod â’r manylion a ganlyn, os oes modd:
- ble mae’r digwyddiad yn digwydd
- beth sy’n digwydd
- enwau neu ddisgrifiadau'r bobl dan sylw
- ers pryd mae hyn yn digwydd
Beth fydd yn digwydd i'ch adroddiad
Byddwn yn asesu’ch adroddiad, yn cofnodi'r digwyddiad, ac yn penderfynu ar y ffordd orau o weithredu. Fel arfer, dim ond os bydd arnon ni angen rhagor o fanylion y byddwn yn cysylltu â chi.
Mewn rhai achosion byddwn yn rhoi gwybod i'ch tîm plismona lleol sy'n delio ag ymddygiad gwrthgymdeithasol. Efallai y byddan nhw am gysylltu â chi i drafod ymhellach.
Byddwch yn gallu lawrlwytho copi o'ch adroddiad ar gyfer eich cofnodion eich hun.
Faint o amser mae'n ei gymryd i lenwi'r ffurflen hon
Amser cwblhau ar gyfartaledd: pump i 10 munud.
Pan fyddwch chi'n barod, cliciwch 'Dechrau’ i ddechrau.