Riportio ymddygiad gwrthgymdeithasol
Mae llawer math o ymddygiad gwrthgymdeithasol, o ymddygiad ymosodol, swnllyd neu sarhaus i aflonyddwch mewn cymdogaeth sy'n cynnwys cyffuriau, ceir sydd wedi’u gadael neu anifeiliaid.
Os ydych chi wedi bod yn dyst i ymddygiad gwrthgymdeithasol, riportiwch y peth i ni.
Gall eich cymdogaeth fod yn ardal lle rydych chi’n byw, yn gweithio neu'n ymweld yn aml.
Offeryn cyngor
Riportio galwadau ffôn neu ymweliadau tŷ digroeso
Gall galwadau neu ymweliadau digroeso greu straen a bod yn frawychus weithiau, ond mae yna gamau y gallwch eu cymryd i gadw'n ddiogel a datrys y sefyllfa.
Os ydych chi'n cael galwadau digroeso, rydym yn argymell y dylech chi gysylltu â'ch darparwr gwasanaethau ffôn. Dylen nhw allu awgrymu sawl ffordd o sgrinio a rhwystro galwadau sy'n dod i mewn. Gallwch ddarllen rhagor o wybodaeth am alwadau neu ymweliadau annisgwyl.
Os ydych chi'n cael eich aflonyddu ar-lein, darllenwch ein cyngor er mwyn peidio a chael eich targedu mor aml ac atal pobl rhag cael gafael ar eich gwybodaeth.
Os oes rhywun yn aflonyddu arnoch oherwydd pwy ydych chi neu pwy maen nhw’n meddwl ydych chi, bernir bod hyn yn drosedd casineb, a rhaid iddi gael ei riportio. Darllenwch ein cyngor ar droseddau a digwyddiadau casineb, a sut i riportio’r rheiny.
Os ydych chi wedi cymryd y camau uchod ac nad yw'r galwadau neu'r ymweliadau wedi dod i ben, riportiwch hyn i ni.
Sut i riportio
Gallwch riportio hyn ar-lein drwy glicio 'Dechrau’ isod.
Yr hyn y byddwn yn gofyn amdano
Byddwch yn barod â’r manylion a ganlyn, os oes modd:
- beth ddigwyddodd
- sawl gwaith mae’r peth wedi digwydd
- enwau neu ddisgrifiadau’r bobl dan sylw
- sut mae’r peth wedi effeithio arnoch chi
Beth fydd yn digwydd i'ch adroddiad
Byddwn yn asesu’ch adroddiad, yn cofnodi'r digwyddiad, ac yn penderfynu ar y ffordd orau o weithredu. Fel arfer, dim ond os bydd arnon ni angen rhagor o fanylion y byddwn yn cysylltu â chi.
Mewn rhai achosion byddwn yn rhoi gwybod i'ch tîm plismona lleol sy'n delio ag ymddygiad gwrthgymdeithasol. Efallai y byddan nhw am gysylltu â chi i drafod ymhellach.
Byddwch yn gallu lawrlwytho copi o'ch adroddiad ar gyfer eich cofnodion eich hun.
Faint o amser mae'n ei gymryd i lenwi'r ffurflen hon
Amser cwblhau ar gyfartaledd: 5 i 10 munud.
Pan fyddwch chi'n barod, cliciwch 'Dechrau' i ddechrau.