Gwrthdrawiad difrifol yng Nghaernarfon: Apêl

Mae dyn wedi cael ei gludo i’r ysbyty efo anafiadau difrifol yn dilyn gwrthdrawiad yng Nghaernarfon bore ddoe.

Toc wedi 11am ar ddydd Mawrth , 6 Mai, mi ymatebodd y gwasanaethau brys i wrthdrawiad yn ymwneud â dau gerbyd ar yr A4871.

Mi gludwyd dyn i’r ysbyty efo anafiadau wnaiff newid ei fywyd.

Mi arestiwyd dyn 43 oed mewn cysylltiad â’r digwyddiad, ac mae eisoes wedi ei ryddhau o dan ymchwiliad.

Dywedodd Rhingyll Katie Davies: “’Dwi’n apelio ar unrhyw un wnaeth weld y digwyddiad ac heb siarad efo ni’n barod i gysylltu efo ni.

“Ar ben hynny, ‘dwi’n apelio ar unrhyw un oedd yn teithio ar hyd yr A4871 o gwmpas adeg y gwrthdrawiad a sydd efo fideo camera cerbyd i gysylltu efo’r heddlu.

“Mae ymchwiliadau i’r gwrthdrawiad ar y gweill ac mi fuaswn i’n annog unrhyw un efo gwybodaeth allai helpu ein ymholiadau i gysylltu efo’r heddlu.”

Dylai unrhyw un efo gwybodaeth allai helpu ymchwiliadau’r heddlu gysylltu efo ni drwy ein gwefan, neu drwy ffonio 101, gan ddefnyddio’r cyfeirnod C064663.