Carchar i ddyn am anelu dryll tanio ffug yn y stryd
Cynnwys y prif erthygl
Mae dyn wnaeth anelu dryll tanio ffug at ddau unigolyn yn y stryd wedi cael ei garcharu.
Mi ymddangosodd Mark Griffiths, o Lôn Helen, Caernarfon yn Llys y Goron, yr Wyddgrug, heddiw 11 Mawrth, ar ôl cyfaddef meddu dryll tanio ffug efo’r bwriad o achosi ofn o drais.
Ar 15 Medi 2024, mi ‘roedd y dyn 29 oed yn ardal Lôn y Bron yng Nghaernarfon, lle mi anelodd bistol ffug tuag at ddyn arall a’i fam yn dilyn ffrae, yn achosi iddyn nhw ofni am eu bywydau.
Yna, mi wnaeth Griffiths, a adnabyddir yn lleol fel Mark Fango, droi a cherdded i ffwrdd i’w fflat.
Mi ddaeth swyddogion heddlu arfog i’r ardal yn fuan wedyn a’i arestio.
Mi gafodd ei garcharu am bedair blynedd a chwe mis. Hefyd, mi dderbyniodd orchymyn atal pum mlynedd, yn ei atal rhag cysylltu efo’r dioddefwyr.
Dywedodd y Ditectif Gwnstabl Saran Henderson: “Mi ‘roedd hwn yn ddigwyddiad brawychus, nid yn unig i’r dioddefwyr oedd Griffiths wedi anelu’r dryll tanio tuag atyn nhw, ond hefyd y gymuned ehangach.
“Mi gaiff hyn effaith barhaus ar breswylwyr Caernarfon, yn enwedig y plant oedd yn dystion i’r digwyddiad.
“Mi fuaswn i’n annog unrhyw un efo gwybodaeth ynglŷn â’r rhai sy’n cario arfau, neu arfau ffug yn gyhoeddus, gysylltu efo’r heddlu neu’n ddienw drwy Crimestoppers.”