Gwrthdrawiad angheuol yn Llanferres, Yr Wyddgrug

Mae beiciwr modur wedi marw yn dilyn gwrthdrawiad traffig ffordd ger yr Wyddgrug yn gynharach heddiw (dydd Iau, 6 Mawrth).

Am 09:16 derbyniodd yr heddlu adroddiad am wrthdrawiad ar yr A494 yn Llanferres rhwng beic modur Honda a fan Mercedes Sprinter.

Ymatebodd y gwasanaethau brys. Fodd bynnag, cyhoeddwyd y beiciwr modur yn farw yn y fan a'r lle.

Mae teulu'r dyn a'r crwner wedi cael gwybod.

Dywedodd y Ditectif Ringyll Katie Davies o Uned Ymchwilio Gwrthdrawiadau Difrifol Heddlu Gogledd Cymru: "Mae ein cydymdeimlad ni’n mynd at deulu a ffrindiau'r dyn ar yr adeg anodd hon.

"'Da ni'n apelio am unrhyw dystion, neu unrhyw un a allai fod wedi bod yn teithio ar hyd yr A494 ychydig cyn y gwrthdrawiad ac a allai fod hefo lluniau camera cerbyd i gysylltu hefo ni."

Mae'r ffordd yn parhau ar gau ond mae disgwyl iddi ailagor yn fuan.