Carcharu dyn o Fangor am ymosodiad rhywiol

Mae dyn 40 oed o Fangor wnaeth ymosod yn rhywiol ar ddynes yn y stryd wedi’i garcharu.

Mi ymddangosodd Gethin Jones, o Ffordd Garth, Bangor yn Llys y Goron, Caernarfon ar ddydd Gwener 10 Ionawr, ar ôl cyfaddef ymosod yn rhywiol.

Ar 18 Rhagfyr, mi aeth Jones at ddynes nad oedd o’n ei hadnabod, a rhoi ei freichiau o gwmpas ei hysgwyddau, gan geisio ei harwain i lawr lôn gul gerllaw.

Mi ddechreuodd wneud sylwadau rhywiol tuag ati, gan wneud iddi fod ag ofn am ei diogelwch hi.

Mi geisiodd y ddynes gerdded i ffwrdd, ond mi wnaeth o ei dilyn hi, yn gwneud sylwadau am ei thatŵau a cheisio cyffwrdd ei chefn, gan barhau gwneud sylwadau rhywiol tuag ati hi.

Mi welodd y ddynes grŵp o bobl gerllaw a rhedodd hi tuag atyn nhw, ac mi redodd Jones i ffwrdd o ganlyniad.

Mi gafodd ei garcharu am 18 mis ac mi dderbyniodd Orchymyn Atal Niwed Rhywiol (SHPO) yn para 10 mlynedd.

Dywedodd yr Arolygydd Ardal Dros Dro Andrew Davies: “Ein blaenoriaeth ni ydy trechu trais yn erbyn merched a genethod a dod â’r troseddwyr o flaen eu gwell.

“’Dwi’n cymeradwyo’r dioddefwr, oedd yn ddewr iawn ar ôl profiad mor frawychus, a ddigwyddodd ynghanol y dydd.

“’Does dim amheuaeth y bydd y digwyddiad hwn yn cael effaith barhaus ar ei theimlad o fod yn saff.

“’Dwi’n cefnogi’r defnydd o’r SHPO, sy’n gwahardd Jones rhag mynd at ac aflonyddu merched yn y dyfodol.”

Ymgyrch Unite ydy ein hymateb ni er mwyn trechu trais yn erbyn merched a genethod. Mae rhagor o wybodaeth ar gael yma – Ymgyrch Unite | Heddlu Gogledd Cymru