Apêl am wybodaeth ynglŷn â char a gafodd ei ddefnyddio mewn byrgleriaeth yn Wrecsam

‘Da ni’n apelio am wybodaeth ynglŷn â char a gafodd ei ddefnyddio mewn byrgleriaeth yn Wrecsam.

Am 2.15am ar ddydd Mawrth, 14 Ionawr, mi gawson ni wybod bod ffenest siop yn Stryt Yorke wedi cael ei chwalu cyn i ddau ddyn ddwyn llawer iawn o ddillad.

Mi wnaeth y ddau ffoi o’r lleoliad mewn Vauxhall Astra glas oedd wedi’i ddwyn, gan ddefnyddio platiau cofrestru oedd hefyd wedi’u dwyn.

Mi gafodd y cerbyd ei stopio’n gyflym gan swyddogion, ond mi wnaeth y ddau o dan amheuaeth ddianc ac maen nhw’n parhau i fod yn eisiau.

Dywedodd y Ditectif Arolygydd Gary Williams: “’Roedd y Vauxhall Astra Tech Line Ecoflex 110 glas yn gysylltiedig â’r digwyddiad hwn wedi ei ddwyn o eiddo yn Llwyn Celli yn Wrecsam ar 12 Ionawr, dau ddiwrnod cyn y digwyddiad.

“Mi barciodd y car, gan ddefnyddio’r platiau cofrestru wedi’u dwyn, sef MK10OLB, ar Stryt Yorke y tu allan i’r siop toc cyn 2.15am cyn ffoi.

“Mi gafodd ei ddarganfod yn fuan wedyn ym Mharc Caia, lle ‘roedd o wedi cael ei adael.

“’Dwi’n apelio ar unrhyw un welodd y car yn cael ei yrru cyn y digwyddiad ar ddydd Mawrth, 14 Ionawr, neu wedi ei weld wedi’i barcio cyn y digwyddiad, i gysylltu efo ni.”

Mae ymholiadau’n parhau a dylai unrhyw un efo gwybodaeth ynglŷn â’r digwyddiad gysylltu efo ni ar 101, neu drwy’r wefan, gan ddefnyddio’r cyfeirnod 2500034237.