Carcharu dyn o Fôn wnaeth reoli ei gyn gymar

Mae dyn 35 oed wnaeth reoli ei gyn gymar wedi cael ei garcharu.

Ymddangosodd Justin Nicholas Harvey, Tan yr Efail, Caergybi, ger bron Llys y Goron yr Wyddgrug ar 15 Ionawr ar ôl cyfaddef ymddwyn yn rheolaethol a gorfodol.

Fe wnaeth Harvey wneud ei gyn gymar ddioddef ymddygiad rheolaethol yn fynych yn ystod eu perthynas bedair blynedd, a oedd yn cynnwys ymosod arni ac achosi difrod i’w heiddo.

Cafodd ei garcharu am dair blynedd a phedwar mis ac fe dderbyniodd orchymyn atal yn parhau am 20 mlynedd.

Dywedodd y Ditectif Gwnstabl Katy Hughes: “Dwi’n canmol y dioddefwr am ei dewrder ar ôl iddi gael ei cham-drin gan Harvey.

“Mae sawl gwedd i gam-drin domestig, gan gynnwys ymddygiad rheolaethol a gorfodol. 

“‘Da ni’n parhau gweithredu ar unrhyw adroddiad o bob math o drais yn erbyn merched, ac ni fyddwn yn stopio ymdrechu dod â throseddwyr cam-drin domestig o flaen eu gwell.”