Swyddogion yn ymchwilio i ymgais ar ladrata yn Wrecsam

'Da ni'n ymchwilio i ymgais ar ladrata a ddigwyddodd mewn siop yn Wrecsam y prynhawn yma.

Am 1.05pm heddiw (dydd Iau, 13 Chwefror) adroddir bod dyn wedi bygwth aelod o staff yn siop AM/PM ym Mrynteg, cyn dianc.

Does dim adroddiad bod unrhyw beth wedi cael ei ddwyn yn ystod y digwyddiad.

Dywedodd y Ditectif Brif Arolygydd Eleri Thomas: "'Da ni'n dilyn sawl trywydd er mwyn sicrhau bod y sawl sy'n gyfrifol am y digwyddiad hwn yn cael eu dal cyn gynted â phosibl.

"'Da ni'n deall fod presenoldeb swyddogion arfog yn yr ardal yn peri pryder. Mi fuaswn i'n hoffi tawelu meddwl y gymuned bod digwyddiadau o'r fath yn brin, ac ni chredir bod unrhyw fygythiad ehangach i drigolion."

"Mae'r chwilio'n parhau a bydd patrolau amlwg iawn yn cael eu cynnal yn yr ardal drwy'r nos at ddibenion tawelu meddwl."

Gofynnir i unrhyw un sydd hefo gwybodaeth a allai'n helpu ni hefo'n hymchwiliadau ni gysylltu hefo ni drwy ein gwefan ni, neu drwy ffonio 101, gan ddyfynnu'r cyfeirnod 25000120510."

Fel arall, gallwch gysylltu hefo'r elusen annibynnol Crimestoppers ar-lein yn ddienw, neu ar 0800 555 111.