Carchar i ddyn am ei ran mewn anhrefn treisgar yn Rhos, Wrecsam

 

Mae dyn 26 oed wedi’i garcharu am ei ran mewn anhrefn treisgar ar raddfa fawr yn Wrecsam, wnaeth achosi anafiadau difrifol i ddynes.

Mi ymddangosodd Reef Byfield, o Ben y Wern, Rhosllanerchrugog ar gyfer dedfryd heddiw (dydd Iau, 20 Chwefror) gerbron Llys y Goron, Yr Wyddgrug. Mi gyfaddefodd gyhuddiad o glwyfo drwy achosi niwed corfforol difrifol.

Mi dderbyniodd ddedfryd o 16 mis  o garchar.

Mi ddigwyddodd yr anhrefn yn ardal Wern Las Rhosllanerchrugog ar 21 Medi, 2023, yn ymwneud â hyd at 50 o bobl ar y stryd.

Yn ystod y digwyddiad, mi gydiodd Byfield mewn olwyn beic a’i daflu ar draws y stryd, gan daro’r dioddefwr oedd yn ymyl swyddog heddlu, gan achosi iddi ddisgyn i’r llawr, colli ymwybyddiaeth ac anafu ei phen.

O ganlyniad yr anrhefn, mi ddioddefodd dri swyddog ymosodiadau ac anafiadau, ac mi anafwyd ddau arall.

Dywedodd y swyddog ymchwilio, y Ditectif Gwnstabl Mark Griffiths: “Mi ‘roedd hwn yn ddigwyddiad brawychus lle wynebodd nifer fach o swyddogion dorf hynod o wrthwynebus wrth geisio gwneud eu gwaith cyfreithlon.

“Mi achosodd y trais hyn iddyn nhw ofni  am eu diogelwch.

“Mi arweiniodd cyfraniad Byfield at ddynes yn cael ei tharo i’r llawr a chael anafiadau i’w phen. Mi fuasai hyn wedi gallu anafu un o’r swyddogion yn ddifrifol.

“Mi ‘roedd ei ymddygiad y diwrnod hwnnw yn annerbyniol, a ‘dwi’n croesawu’r ddedfryd heddiw. ‘Dwi’n gobeithio ei fod yn wers i unrhyw un sy’n ddigon gwirion i ystyried cymryd rhan mewn anrhefn o'r fath yn y dyfodol.”

Mae dyn 28 oed yn disgwyl i’w achos gael ei brofi am droseddau ar wahân ddigwyddodd ar y diwrnod hwnnw.