Carchar i ddyn ar ôl bygwth gydag arf yng Nghaernarfon

Mae dyn 43 oed wnaeth fygwth ei gymdogion gyda machete wedi ei garcharu.

Mi ymddangosodd Gary Pierce Williams, o Gae Bold, Caernarfon, yn Llys y Goron, Caernarfon ar ddydd Mawrth, 18 Chwefror, ar ôl cyfaddef affräe.

Yn ystod oriau mân 21 Rhagfyr, mi safodd Williams y tu allan i gartref un o’i gymdogion, pan ddechreuodd eu bygwth a dweud bod ganddo arf.

Mi drïodd mynd i’r eiddo, gan beri gofid i’r preswyliwr am ei ddiogelwch.

Mi ddaeth yr heddlu i’r ardal ac arestio Williams,  gan hefyd chwilio ei gartref. Mi gafwyd hyd i fachete ac arf arall y tu fewn.

Mi gafodd ei garcharu am 10 mis, ac mi dderbyniodd bump gorchymyn atal, sy’n ei wahardd rhag mynd i Gae Bold am bum mlynedd.

Dywedodd yr Arolygydd Ardal, Ian Roberts: “Mi ‘roedd hwn yn ddigwyddiad brawychus i breswylwyr Cae Bold, ac mae wedi cael effaith ddwys ar eu bywydau.

“Mi hoffwn i ddiolch i’r dioddefwyr a’r tystion am eu dewrder drwy gefnogi’r heddlu.

“’Da ni’n gweithio’n agos efo’n partneriaid yng Nghartrefi Gogledd Cymru er mwyn gwneud gwelliannau cadarnhaol yng Nghae Bold a helpu’r preswylwyr.”