Dyn wedi’i gyhuddo mewn cysylltiad ag ymchwiliad i lofruddiaeth yn Wrecsam

Mae dyn 30 oed wedi’i gyhuddo mewn cysylltiad ag ymchwiliad i lofruddiaeth yn Wrecsam.

Toc cyn 12.30pm ar ddydd Sul, 23 Chwefror, mi gafodd swyddogion eu galw i gyfeiriad ar ystâd Gwynant yn Acrefair.

Mi ‘roedd yr alwad ynglŷn â phryderon am ddiogelwch  dyn 37 oed.

Wedi i swyddogion gyrraedd y lleoliad, mi gafodd ei ddatgan yn farw gan barafeddygon.

Mae ymchwiliad i amgylchiadau marwolaeth y dyn ar y gweill, ac mi gafodd dau ddyn eu harestio mewn cysylltiad â’r digwyddiad.

Mae Thomas Iveson, o Lôn Llyndir, Yr Orsedd, wedi ei gyhuddo heddiw (dydd Mercher, 26 Chwefror) o lofruddiaeth, ac mi wnaiff ymddangos gerbron Llys Ynadon Wrecsam ar ddydd Iau, 27 Chwefror.

Mae ail ddyn, sy’n 32 oed ac o Wrecsam, wedi ei ryddhau ar fechnïaeth wrth i’r ymchwiliad barhau.

Mae’r Crwner wedi cael gwybod, ac mae teulu’r sawl fu farw yn cael cymorth gan swyddogion arbenigol.