Carchar am 16 mlynedd i ddyn o Sir y Fflint am ymosodiadau rhywiol ar dair merch

Mae dyn o Sir y Fflint wedi ei garcharu am 16 mlynedd am ymosodiadau rhywiol ar dair merch.

Mi gyflawnodd Adam Griffiths, heb gyfeiriad sefydlog, y troseddau dros gyfnod o saith mlynedd.

Yn ymddangos yn Llys y Goron yr Wyddgrug heddiw, dydd Llun, 17 Chwefror, mi gafodd ei garcharu ar ôl ei ganfod yn euog gan reithgor yn Llys y Goron yr Wyddgrug ym mis Ionawr.

Mi dderbyniodd dair dedfryd yn olynol, sef cyfanswm o 16 mlynedd yn y carchar, yn ogystal â thrwydded ychwanegol.

Mi fydd yn droseddwr rhywiol cofrestredig am gyfnod benagored, ac mi dderbyniodd orchmynion atal er mwyn gwarchod y dioddefwyr a’u teuluoedd am y 10 mlynedd nesaf.

Mi dderbyniodd orchymyn atal niwed rhywiol hefyd.

Dywedodd y swyddog ymchwilio, y Ditectif Gwnstabl Ben Franklin: “Mae’r tair dioddefwr a’u teuluoedd wedi bod yn hynod o ddewr drwy gydol yr ymchwiliad hwn, a ‘dwi’n cymeradwyo pob un am eu dewrder yn riportio Griffiths i ni.

“Mae nhw i gyd wedi cael profiad erchyll, a ‘dwi’n gobeithio bod eu meddyliau wedi’u tawelu drwy wybod na fydd Griffith yn medru eu brifo nhw, na neb arall, rhagor.

“Mae canlyniad heddiw yn adlewyrchu ein hymrwymiad ni i ddod â throseddwyr rhywiol o flaen eu gwell, a sicrhau bod dioddefwyr a phlant yn cael gwrandawiad a’u bod yn cael eu gwarchod.

“’Dwi’n gobeithio bydd yr achos hwn yn annog pobl eraill sydd wedi dioddef cam-drin rhywiol i ddod atom ni. Mae hefyd yn atgoffa unrhyw un sy’n cyflawni’r troseddau ffiaidd hyn eu bod nhw’n mynd i wynebu canlyniadau eu gweithrediadau – waeth sut na phryd mae’r cam-drin rhywiol wedi digwydd.”