Apêl yn dilyn gwrthdrawiad difrifol yn Wrecsam

Mae dyn a phlentyn wedi dioddef anafiadau difrifol yn dilyn gwrthdrawiad yn Wrecsam ar ddydd Sul, 2 Chwefror.

Mi gafodd ei riportio bod gyrrwr fan fach wen neu arian yn teithio ar hyd Lôn Hullah, Wrecsam, wedi taro dau gerddwr tua 5.50pm.

Ni wnaeth gyrrwr y fan, wnaeth golli’r drych oddi ar ochr teithiwr y fan, stopio ar ôl y gwrthdrawiad.

Mi ddaeth y gwasanaethau brys, ac o ganlyniad aeth y ddau gerddwr i’r ysbyty efo anafiadau difrifol.

Dywedodd PC Scott Duncan, o’r Uned Troseddau Ffyrdd: “’Dwi’n apelio ar unrhyw un welodd y gwrthdrawiad, ac sydd heb siarad efo’r heddlu’n barod, i ddod atom ni.

“’Dwi hefyd yn apelio ar unrhyw un oedd yn teithio yn yr ardal ac a welodd fan sy’n cyd-fynd efo’r disgrifiad uchod, i gysylltu efo ni, ac yn enwedig unrhyw un efo fideo camera cerbyd neu TCC allai ein helpu ni efo’n ymchwiliad ni.

“Gall eich help chi fod yn hanfodol er mwyn adnabod y cerbyd neu’r rhai sy’n gyfrifol.”

‘Da ni’n annog unrhyw un efo gwybodaeth gysylltu efo ni drwy ein gwefan ni neu drwy ffonio 101, gan ddefnyddio’r cyfeirnod 25000089651.