Carcharu dyn am dagu merch yn ei harddegau yn y Rhyl
Cynnwys y prif erthygl
Mae dyn 27 oed wedi cael ei garcharu am ddwy flynedd am dagu.
Cyfaddefodd Connor Gressley-Jones, o Bath Street, y Rhyl, ei fod wedi tagu merch yn ei harddegau yn fwriadol yn dilyn digwyddiad yn y Rhyl yn gynharach eleni.
Cafodd ei garcharu am ddwy flynedd yn Llys y Goron yr Wyddgrug ar ddydd Iau, 10 Ebrill a derbyniodd orchymyn atal pum mlynedd er mwyn diogelu’r dioddefwr.
Ar 24 Ionawr, roedd y ferch yn cerdded yn ôl i westy yn y Rhyl pan gafodd ei churo yn ei hwyneb gan Gressley-Jones yn dilyn dadl.
Rhoddodd ei ddwylo o amgylch ei gwddf a'i thagu, gan ei chyfyngu rhag anadlu’n iawn.
Dywedodd y Rhingyll Peter Griffiths: "Ni fydd ymddygiad treisgar fel hyn tuag at ferched yn cael ei oddef.
"Mae'r dioddefwr wedi dangos cryn ddewrder wrth ddod ymlaen i adrodd beth ddigwyddodd iddi yn dilyn profiad trawmatig a dychrynllyd.
"Rydym yn parhau i weithredu ar unrhyw adroddiad o drais yn erbyn merched, ac ni fyddwn yn stopio yn ein hymdrechion i erlyn troseddwyr."