Carcharu dyn o Sir y Fflint am ymosod ar heddwas a merch yn ei harddegau
Cynnwys y prif erthygl
Mae dyn 23 oed o Sir y Fflint wedi cael ei garcharu am ymosod ar swyddog heddlu wrth gael ei arestio am ymosod ar ferch yn ei harddegau.
Tarodd Nathan Hughes, o Chapel St, y Fflint, ferch 17 oed gyda photel yn dilyn ffrae ar Stryd Fawr yr Wyddgrug, ar 8 Chwefror.
Wrth gael ei arestio, tarodd swyddog heddlu yn ei hwyneb, gan achosi i'w thrwyn waedu.
Cyhuddwyd Hughes o anafu ac achosi niwed corfforol difrifol i'r ferch, ac o ymosod gan achosi niwed corfforol gwirioneddol i'r swyddog. Cafodd ei gadw yn y ddalfa.
Ymddangosodd gerbron Llys y Goron yr Wyddgrug i gael ei ddedfrydu heddiw, lle cafodd ei garcharu am flwyddyn ac 11 mis.
Dywedodd yr Arolygydd Dosbarth Dros Dro Paul Jones: "Roedd ymddygiad treisgar Hughes y diwrnod hwnnw yn gywilyddus.
"Does gan drais ddim lle yn Sir y Fflint, ac ni fyddwn yn goddef unrhyw ymosodiad yn erbyn gweithwyr y gwasanaeth brys sy'n ceisio gwneud eu gwaith yn cadw eraill yn ddiogel.
"Gofynnwn i'r cyhoedd riportio unrhyw drais tuag at unrhyw weithiwr brys, sy'n wynebu perygl bob dydd er mwyn eich helpu ac eich diogelu."