Apêl ar ôl i ddynes farw mewn gwrthdrawiad yn Sir y Fflint
Cynnwys y prif erthygl
Mae dynes wedi marw yn dilyn gwrthdrawiad traffig ffordd yn Sir y Fflint.
Am 4.26pm ar ddydd Iau, 24 Ebrill, cawsom adroddiad am wrthdrawiad yn cynnwys pedwar cerbyd ar yr A548 Ffordd Mostyn, Sir y Fflint ger y gyffordd i Bentref Gwespyr.
Ymatebodd y gwasanaethau brys. Fodd bynnag, cyhoeddwyd fod gyrrwr un o'r cerbydau wedi marw yn y fan a'r lle.
Mae ei pherthynas agosaf wedi cael gwybod ac yn awr yn cael cefnogaeth gan Swyddog Cyswllt Teuluoedd sydd wedi'i hyfforddi'n arbennig.
Mae Rhingyll Leigh McCann o'r Uned Plismona Ffyrdd yn apelio am dystion.
Dywedodd: "Yn anffodus mae'r digwyddiad hwn yn cael ei ymchwilio fel gwrthdrawiad traffig ffordd. Mae ein meddyliau hefo teulu'r ddynes yn y cyfnod hynod anodd hwn.
“'Da ni'n apelio ar i unrhyw un efallai welodd y gwrthdrawiad neu unrhyw un a oedd yn teithio neu'n cerdded ar hyd Ffordd Mostyn, ger y gyffordd i Bentref Gwespyr ac sydd hefo unrhyw wybodaeth neu ffilm camera cerbyd i gysylltu hefo ni.”
"Mae'r ffordd bellach wedi agor, a hoffem ddiolch i bawb am eu hamynedd nhw."
Mae unrhyw un sydd hefo gwybodaeth yn cael eu hannog i gysylltu hefo swyddogion yn yr Uned Plismona Ffyrdd drwy'r sgwrs we fyw ar y wefan, neu drwy ffonio 101, gan ddyfynnu'r cyfeirnod C058038.