Dyn o Wrecsam wedi gyhuddo mewn cysylltiad hefo achosion byrgleriaeth, twyll a lladrad
Cynnwys y prif erthygl
Mae dyn 34 oed o Wrecsam wedi cael ei gyhuddo mewn cysylltiad hefo achosion byrgleriaeth, twyll a lladrad.
Ar ddydd Llun, 14 Hydref, riportiwyd bod cyfrif masnach cwmni wedi cael ei ddefnyddio'n dwyllodrus er mwyn llogi offer mewn depo gwerthu llogi offer yn Rhostyllen.
Ar ddydd Llun, 21 Hydref, derbyniodd swyddogion adroddiad bod rhywun wedi torri mewn i gaffi Starbucks yn y ddinas, yn dilyn digwyddiad arall ar yr un diwrnod pan riportiwyd bod rhywun wedi ceisio torri mewn i Londis.
Mae Lucas Partyka, o Gylch y Gorllewin, Wrecsam, wedi cael ei gyhuddo o dwyll drwy ymhoniad anwir, byrgleriaeth hefo'r bwriad o ddwyn a cheisio byrgleriaeth hefo'r bwriad o ddwyn mewn perthynas â'r digwyddiadau.
Cafodd Partyka hefyd ei gyhuddo o ladrata a blacmel yn dilyn digwyddiad yn Wrecsam ar ddydd Sul, 29 Medi lle cafodd ffôn symudol dyn ei ddwyn.
Cafodd ei gadw yn y ddalfa ac ymddangosodd ger bron Ynadon yr Wyddgrug ar ddydd Sadwrn, 26 Hydref, lle cafodd ei gadw ymhellach yn y ddalfa er mwyn ymddangos ger bron Llys y Goron yr Wyddgrug ar ddydd Gwener, 29 Tachwedd.