Carchar i ddyn a wnaeth fygwth rhoi gorsaf betrol ar Ynys Môn ar dân.

Mae dyn 52 oed a wnaeth fygwth rhoi dynes ar dan a llosgi gorsaf betrol wedi mynd i'r carchar.

Ymddangosodd Steven Johnson, sy'n ddigartref ond yn dod o Gaernarfon, yn Llys y Goron, Caernarfon ddydd Gwener 25 Hydref^⁠ ar ôl cyfaddef i fygwth difrodi eiddo.

Ar 8 Awst ^⁠roedd Johnson yn canu a chwarae offeryn wrth yr orsaf betrol ym Mhentraeth, Ynys Môn, pan ofynnwyd iddo i adael.

Dechreuodd Johnson waeddi ar y rheolwr gan fygwth rhoi'r lle ar dân gyda thaniwr sigarét yn ei law.

Cododd drwyn y biben betrol gan waeddi ei fod yn mynd i roi'r lle a'i hunan ar dân cyn i'r rheolwr wthio Johnson i ffwrdd a rhoi'r biben betrol yn ôl yn y pwmp.

Aethpwyd â Johnson o'r lleoliad gan y rheolwraig a'u chydweithwyr ond dywedodd y byddai'n dychwelyd a thorri'r ffenestri.

Cafodd ei arestio yn ddiweddarach.

Mi gafodd ei garcharu am wyth wythnos.

Meddai Rhingyll Beth Lloyd ⁠: “Rwyf yn cymeradwyo gweithredoedd y staff yn yr orsaf a wnaeth weithredu yn gyflym i atal Johnson rhag achosi niwed sylweddol er gwaetha'r ffaith eu bod mewn peryg gwirioneddol.

“Mi allai'r canlyniadau fod wedi bod yn ddifrifol iawn a gobeithio y bydd Johnson yn adlewyrchu ar ei ymddygiad."