Carcharu dyn am ymosod ar ei bartner

Mae dyn 39 oed wedi cael ei garcharu am gam-drin domestig yn erbyn ei bartner. 

Gwnaeth Ben Maddocks, sydd heb gartref sefydlog, ond sy'n dod o Ewlo ymddangos yn Llys Ynadon Wrecsam ar ddydd Llun, 28 Hydref gan gyfaddef iddo droseddu yn erbyn y drefn gyhoeddus.

Fe'i ddedfrydwyd i 32 wythnos yn y carchar. 

Yn ystod oriau mân bore Gwener, 25 Hydref ^⁠derbyniodd swyddogion adroddiad gan y dioddefwr bod Maddocks wedi bod yn dreisgar tuag ati ac wedi ymosod arni mewn tacsi. Dywedodd hefyd iddo gymryd ei ffôn a'i thabled a chyfyngu ei mynediad i'w ffôn drwy newid ei rhif pin.

Aeth swyddogion i'r cyfeiriad ac oherwydd gwybodaeth y dioddefwr a'i hanes o drais domestig, arestiwyd Maddocks. 

Torrodd y digwyddiad orchymyn gohiriedig a gyhoeddwyd ym mis Mehefin 2024 ac o ganlyniad, cyhuddwyd Maddocks o ddefnyddio ymddygiad bygythiol gyda'r bwriad o achosi ofn neu annog trais anghyfreithlon.

Dywedodd yr Arolygydd Ardal Iwan Jones: "Rydym yn benderfynol o erlid unigolion sy'n  aflonyddu ar y bobl fwyaf bregus yn ein cymdeithas.

“Mae'r canlyniad heddiw yn dyst i waith caled swyddogion, ac mae ein hasiantaethau partner yn parhau i ddiogelu a chefnogi dioddefwyr trais domestig a thrais yn erbyn merched a genethod.

“Nid yw'n hawdd siarad yn dilyn trais domestig, ond gallaf sicrhau i unrhyw un y byddwn yn ymchwilio i unrhyw adroddiad o drais domestig yn drylwyr ac yn erlyn troseddwyr."

Ymgyrch Unite ydy ein hymateb ni i drais yn erbyn merched a genethod.  Ceir mwy o wybodaeth yma - Ymgyrch Unite | Heddlu Gogledd Cymru