County lines drug dealer jailed

Mae gwerthwr cyffuriau o Lerpwl, oedd yn rhedeg llinell cyffuriau yn cyflenwi Crac Cocên a Heroin o  Lannau Mersi i Fae Colwyn, wedi cael ei garcharu am dros pedair mlynedd. 

'Roedd Jake Waugh, 20, o Thornton Road, Bootle yn gyfrifol am weithredu rhwydwaith cyffuriau Llinellau Cyffuriau yn cyflenwi cyffuriau Dosbarth A i Fae Colwyn o Lannau Mersi. Mi wnaeth y llinell, a alwodd ei hun yn 'Scouse Joe', anfon 2,674 o negeseuon 'swmp' yn hysbysebu cyffuriau Dosbarth A i'w gwerthu, rhwng 17 Ebrill 2024 – 13 Mai 2024.

'Roedd sampl o'r negeseuon hyn yn cynnwys "Scouse joe best of both active in bay", "On with white scouse joe" a "Happy hour 4 for 30".

Mi gafodd Waugh ei adnabod gan swyddogion o'r Uned Troseddau Difrifol a Threfnedig ac Ymgyrch Toxic Heddlu Glannau Mersi, fel rhan o ymchwiliad i gyflenwi cyffuriau Dosbarth A i Ogledd Cymru.

Mi gafodd ei stopio gan yr heddlu ar 29 Ebrill,^⁠ yng ngorsaf drenau Bae Colwyn hefo o ffôn a £300 mewn arian parod yn ei feddiant. Yn syth ar ôl cael ei stopio, defnyddiodd Waugh rif ffôn newydd. Roedd y ddau rif ffôn yn cael eu defnyddio i hwyluso'r cyflenwad o Grac Cocên a Heroin.

Mi fyddai Waugh yn teithio naill ai ar drên neu mewn tacsi i Fae Colwyn, bron yn ddyddiol. Mi wnaeth ymholiadau teledu cylch cyfyng a thelathrebu yn cysylltu Waugh ymhellach efo rhedeg y ffôn 'grafft'.

Ar 21 Mai,^⁠ mi gafodd Waugh ei arestio yn ei gartref yn Lerpwl ac mi gafodd ei gyhuddo yn ddiweddarach y diwrnod hwnnw.

Mi ymddangosodd yn Llys y Goron, Bolton heddiw, dydd Gwener, Hydref 11, ar ôl pledio'n euog o fod yn ymwneud â chyflenwi crac cocên a heroin.

Mi gafodd ei garcharu am pedair mlynedd a pedair mis.

Dywedodd y Cwnstabl Ashley Davies: “Mae llinellau cyffuriau yn gysylltiedig â'r trais mwyaf difrifol, sy'n achosi dioddefaint ac ofn yn ein cymunedau.

"'Dwi'n croesawu'r ddedfryd gafodd Waugh a 'dwi'n gobeithio bod yr achos hwn yn tawelu meddwl y gymuned leol, gan ddangos ein bod wedi ymrwymo i wneud popeth o fewn ein gallu i fynd i'r afael â throseddau'n gysylltiedig â chyffuriau yng Ngogledd Cymru".

Gall unrhyw un sydd â gwybodaeth am gyffuriau yn eu cymuned gysylltu â Crimestoppers yn ddienw, drwy ffonio 0800 555 111.