Mae dyn a dagodd ei gyn gymar yn fwriadol wedi cael ei garcharu

 

Mae dyn 33 oed a dagodd ei gyn gymar yn fwriadol wedi cael ei garcharu.

Fe wnaeth Phillip Hill, o East Parade, Y Rhyl, ymosod ar y dioddefwr yn ei chartref yn dilyn digwyddiad digymell ar 16 Awst.

Cyfaddefodd gyhuddiad o dagu bwriadol, ac ymddangosodd ger bron Llys y Goron yr Wyddgrug heddiw sef dydd Llun, 28 Hydref er mwyn cael ei ddedfrydu. Cafodd ei garcharu am 15 mis.

Yn anhapus bod ei gyn gymar wedi bod allan i ymweld ag aelod o'r teulu oedd yn sâl, gafaelodd Hill yn y dioddefwr yn ei gwddf a'i gwthio'n erbyn wal, cyn ei tharo ar draws ei hwyneb.

Er iddi allu dianc, llusgodd Hill hi i'r llawr a defnyddio'i ddwy law i'w thagu unwaith eto, gan ei gadael wedi dychryn am ei bywyd.

Wedi dianc o'r cyfeiriad, fe ffoniodd y dioddefwr yr heddlu bryd hynny, ac fe gafodd Hill ei arestio yn ddiweddarach y diwrnod hwnnw.

Dywedodd y swyddog ymchwilio, PC Kieran Jones: "Ni fydd ymddygiad treisgar ac anfaddeuol tuag at ferched yn cael ei oddef.

"Mae'r dioddefwr wedi dangos cryn ddewrder wrth ddod ymlaen i riportio'r hyn ddigwyddodd iddi hi'n dilyn profiad trawmatig a brawychus. Rhaid canmol ei dewrder yn ystod yr ymchwiliad hwn.

“Nid yw'n hawdd siarad yn dilyn trais domestig, ond gallaf sicrhau i unrhyw un y byddwn yn ymchwilio unrhyw adroddiad drais domestig yn drylwyr ac yn erlyn troseddwyr."

Ymgyrch Unite ydy ein hymateb ni i drais yn erbyn merched a genethod. Ceir mwy o wybodaeth yma – Ymgyrch Unite | Heddlu Gogledd Cymru