Arestio tri yn dilyn gwarant cyffuriau'n Llanberis

Mae tri dyn wedi cael eu harestio yn dilyn gwarant cyffuriau yn Llanberis y bore 'ma.

Aeth swyddogion i gyfeiriad yn ardal Dol Eilian y bore yma, dydd Gwener 1 Tachwedd, yn dilyn ymchwiliad gan y Tîm Plismona Cymdogaethau.

Cafodd tri dyn gan gynnwys dyn 20 oed o ardal Llanberis, llanc 19 oed o ardal Runcorn, a dyn 57 oed o ardal Bangor eu harestio ar amheuaeth o fod hefo arf ymosodol a bod hefo cyffuriau dosbarth A a B yn eu meddiant hefo'r bwriad o'u cyflenwi.

Cafodd dwy gyllell a nifer o gyffuriau dosbarth A a B a amheuir eu hatafaelu.

Mae'r tri dyn yn parhau yn y ddalfa tra bod ymholiadau'r heddlu yn parhau.

Dywedodd yr Arolygydd Ardal Ian Roberts: "Mae dileu cyffuriau o gymunedau cefn gwlad yn parhau bod yn ganolbwynt i'r tîm plismona lleol yng Ngogledd Gwynedd.

"Bydd y rhai sy'n dod â chyffuriau i'r ardal er mwyn manteisio ar ein trigolion mwyaf bregus ni'n cael eu hymlid ac fe ymdrinnir â nhw.

"Hefo gwybodaeth yn dod i law gan aelodau'r cyhoedd, gallwn ni barhau aflonyddu ar y cyflenwad o gyffuriau i'r ardal.

Dylai unrhyw un sydd hefo gwybodaeth am gyflenwi cyffuriau yn yr ardal gysylltu hefo'r heddlu neu siarad hefo Crimestoppers yn ddienw drwy ffonio 0800 555 111.