Carcharu dyn o Gaergybi am ymosod yn ddigymell ar ddynes mewn tafarn
Cynnwys y prif erthygl
Mae dyn 61 oed wedi cael ei garcharu am ymosodiad direswm ar ddynes mewn tafarn.
Ymddangosodd John Welsh, o Bodlondeb Terrace, Caergybi, gerbron Llys Ynadon Llandudno ddoe, 7 Tachwedd, wedi'i gyhuddo o ymosodiad gan achosi niwed corfforol gwirioneddol.
Cyfaddefodd Welsh, sydd hefyd yn cael ei adnabod fel Jackie i’r troseddau a chafodd ei garcharu am 26 wythnos.
Mae hefyd wedi'i wahardd rhag mynd i bob safle trwyddedig yn Ynys Môn, Gwynedd a Chonwy am ddwy flynedd.
Yn ystod oriau mân dydd Llun 28 Hydref, ymosododd Welsh ar ddynes yng Ngwesty’r George yng Nghaergybi.
Yn dilyn ffrae gyda dyn arall yn y dafarn, taflodd Welsh ddiod dros y dioddefwr a oedd yn eistedd wrth ymyl y dyn.
Ar ôl ceisio ei wthio i ffwrdd, taflodd Welsh stôl bar ati cyn neidio tuag ati, tynnu ei gwallt a tharo ei phen ar gadair.
Yna taflodd wydr ar draws ardal y bar cyn gadael y dafarn, a chafodd ei arestio yn fuan wedyn.
Dywedodd Rhingyll Chris Burrow o Dîm Plismona Ynys Môn: “Roedd hwn yn ymosodiad ysgytwol, llwfr a digymell ar y dioddefwr, nad oedd hyd yn oed yn adnabod Welsh a wnaeth hefyd ddychryn pobl eraill yn y dafarn.
"Yn syml, ni fydd trais yn erbyn menywod a merched yn cael ei oddef, a byddwn yn parhau i weithio'n ddiflino i ddod â throseddwyr o flaen eu gwell."