Pobl Ifanc Bwysig Iawn yn cael eu croesawu gan swyddogion Porthladd Caergybi

Mi gafodd bobl ifanc o Iwerddon groeso cynnes gan swyddogion Porthladd Caergybi yn gynharach yr wythnos yma, ar eu ffordd ar daith thema Disney arbennig.

Ar ôl cysylltu efo staff Make-a-Wish Ireland, aeth swyddogion Porthladd Caergybi at y llong Irish Ferries, Ulysses, i gyfarfod a chroesawu gwirfoddolwyr y sefydliad.

Mae Make-a-Wish Ireland yn gwireddu dymuniadau plant rhwng 3 ac 17 mlwydd oed, sy’n byw efo cyflyrau sy’n peryglu eu bywydau.

Ar eu ffordd i’r “Disney Wish Experience” hudol, yn Hoar Cross Hall, Burton-upon-Trent, daeth 37 o blant , efo’u rhieni / gwarchodwyr a’r gwirfoddolwyr oddi ar y llong ar ddau fys, dau ambiwlans a bws mini.

Mi gawson nhw osgordd golau glas o’r llong at ffiniau’r porthladd, lle wnaethon nhw gyfarfod â swyddogion Ymateb Caergybi.

‘Roedd y plant a’r gwirfoddolwyr wrth eu boddau efo’r profiad!

Dywedodd Sharon O’Connor, Prif Wirfoddolwr Make-a-Wish Ireland: ”Diolch yn fawr oddi wrth bawb yn Make-a-Wish am drefnu i’n cyfarfod ni a’n croesawu ni’r bore ‘ma. ‘Roedd yn hyfryd i’r holl deuluoedd.

Dyma’r drydedd flwyddyn ‘da ni wedi teithio draw efo’r teuluoedd, ond y flwyddyn gyntaf i ni deithio ar long. Mae plant yn y grŵp na fuasai’n medru cymryd rhan oni bai ein bod ni wedi teithio’r ffordd hyn.”