Diweddariad ar chwiliadau yn yr afon Fenai

Yn dilyn yr apêl a rannwyd ar y penwythnos yn ymwneud â gofidion bod person wedi mynd i mewn i Afon Menai, ni chafodd neb ei adnabod ac ni welwyd unrhyw berson bregus o gwmpas y bont ar adeg yr adroddiad.

Serch hynny, rydym yn apelio ar rai a oedd yn yr ardal tua 11pm i siarad â ni er mwyn cadarnhau a gafodd rhywun ei weld.

Dywedodd y Ditectif Arolygydd Andrew Gibson: “Drwy ymholiadau, credwn fod dyn wedi cerdded ar hyd y bont rhwng 10:54-10:59pm, o bosib yn cario 'rucksack' ar ei gefn ac wedi troi i gyfeiriad Porthaethwy.

"Rydym hefyd yn ymwybodol bod grŵp o bedwar o bobl, credi mai dau ddyn a dwy ddynes oeddent wedi gadael yr Anglesey Arms am 10:53pm gan gerdded ar y bont tuag at y tir mawr.

“Hoffem siarad â'r unigolion hynny gan eu bod ar y bont ar y cyfnod allweddol ac mae'n bosib bod ganddynt wybodaeth pwysig. Os ydych yn gwybod pwy ydynt, neu os mai chi yw'r bobl hyn, cysylltwch â ni."

Os oes gennych unrhyw wybodaeth a allai ein cynorthwyo, cysylltwch â'r heddlu drwy'r wefan, neu ar 101 gan ddefnyddio cyfeirnod  Q082838.