Diweddariad yn dilyn presenoldeb yr heddlu yng nghanol dinas Bangor

Mae dyn, 50 oed, wedi cael ei arestio yn dilyn digwyddiad mewn tŷ tafarn ym Mangor nos Sul.

Aeth yr heddlu i’r Castle Hotel, Glanrafon, Bangor, yn toc wedi 7pm ar nos Sul 9 Mehefin, yn dilyn adroddiadau bod dryll tanio wedi’i weld.

Cafod dyn lleol ei arestio ar amheuaeth o fod ym meddiant dryll tanio ffug efo’r bwriad o achosi braw, ac mi gafodd arf aer ei atafaelu.

Dywedodd yr Arolygydd Dros Dro, Andy Davies: “Hoffwn ddiolch i aelodau’r gymuned am eu help a’u dealltwriaeth tra ‘roedd yr heddlu’n bresennol yng nghanol dinas Bangor neithiwr.

“‘Da ni’n deall bod hyn wedi achosi pryder ymhlith preswylwyr, p’run bynnag, hoffwn dawelu meddwl y cyhoedd mai digwyddiad unigryw yn ymwneud â dryll tanio ffug oedd hyn, ac nid oes pryderon parhaus i’r gymuned.

“Bydd patrolau amlwg yn yr ardal heddiw, er mwyn tawelu meddwl”.