Wythnos Plismona Ymateb – PC Nicola Jones

 “PC Nicola Jones dw i a dw i’n gweithio o Orsaf Heddlu Llangefni. Dw i wedi bod yn Swyddog Heddlu am bedair blynedd gan ymuno yn 2020. Cyn hynny ro’n i’n SCCH am dair blynedd.

Dw i’n meddwl mai swyddog ymateb ydy’r rôl fwyaf cyffrous ym maes plismona. Fel swyddog ymateb does dim syniad gennych sut ddiwrnod y byddwch yn cael. Mae hyn yn gyffrous ac yn rhan o’r her!

Gweithio ar fy rota ar Ynys Môn ydy uchafbwynt fy ngyrfa hyd yn hyn. Mae’r tîm dw i’n gweithio gyda nhw fel teulu i mi ac yn gwneud gweithio ar ddyddiau gwael yn werth chweil. Dan ni’n chwerthin ar bob sifft dw i’n meddwl. Mae nhw wedi bod gyda mi drwy dyddiau da a’r dyddiau drwg a dw i’n gwybod y byddant yno i mi yn y dyfodol.

Be dw i’n hoffi fwyaf am ymateb ydy bod yn rhan o dîm a gwybod y byddant yno i fy nghefnogi bob amser. Dan ni gyd yn dechrau ein gyrfaoedd plismona yn yr un lle a dyma ble dan ni’n dysgu sgiliau gwerthfawr a fydd yn mynd â ni i’r swydd nesaf. Dyma asgwrn cefn plismona.

Y peth mwyaf heriol i mi am y swydd ydy’r hyn dan ni’n gorfod gweld. Ni all yr holl hyfforddi yn y byd ein paratoi ni ar gyfer rhai pethau ac ar y dechrau mae’n gallu bod yn anodd gadael y gwaith ar y stepen drws. Ond dach chi’n dysgu sut i ymdopi ac mae’r tîm yn eich helpu drwy holl beth.”

Ydy plismona ymateb yn swnio fel y swydd i chi? Cliciwch yma i wneud cais – Police Constable 2024 E - Police Jobs Wales (tal.net)