Dyn a wnaeth ddwyn gemwaith o werth sentimental o gartref yn Wrecsam wedi ei garcharu

Mae dyn a wnaeth ddwyn gemwaith gwerth miloedd o bunnau ar ôl torri i mewn i gartref yn Wrecsam wledig wedi cael ei garcharu.  

Fe ddedfrydwyd Ian Wyn Edwards, 58, i dwy mlynedd am y drosedd yn Llys y Goron Caernarfon heddiw (dydd Iau, 6 Mehefin).

Digwyddodd y fyrgleriaeth fis diwethaf mewn tŷ ym Mroncysyllte ar ddydd Llun, 6 Mai pan gafodd arian a gemwaith eu dwyn o sêff i fyny'r grisiau.

Cafodd ei adnabod fel yr un o dan amheuaeth gan swyddogion yn gyflym a'i arestio.

Yn dilyn ei arestio, cyfaddefodd i'r drosedd cyn i'r gemwaith gael ei ddarganfod mewn coedwig a'i ddychwelyd at y perchennog.

Dywedodd PC Lauren Halliwell o'r Tîm Troseddau Blaenoriaethol: “Roedd y fyrgleriaeth hon yn ddigwyddiad ofnadwy i'r teulu gan fod y dioddefwyr yn ofni eu bod wedi colli gemwaith o werth sentimental. 

Yn dilyn gwaith dyfal a chaled y swyddogion, CID a'r tîm byrgleriaeth yn dilyn yr arestiad llwyddwyd i adfer yr eitemau a gafodd eu dwyn a'u dychwelyd i'r perchnogion. 

“Mae byrgleriaethau yn cael effaith ddinistriol ar ddioddefwyr a fy neges i i'r rhai sy'n troseddu fel hyn yng Ngogledd Cymru yw y byddwch yn cael eich dal ac yn cael eich rhoi o flaen eich gwell.

"Rwy'n ddiolchgar i'r Llys am roi dedfryd o garchar yn yr achos hwn a gobeithio y bydd hyn yn gysur i'r dioddefwyr."