Carchar i ddyn, 36, am dreisio merch yn ei harddegau

Mae dyn 36 oed wedi cael ei garcharu ar ôl treisio merch yn eu harddegau.

Ymddangosodd Robert Llewellyn Price o Amlwch, yn Llys y Goron, Caernarfon ddoe (dydd Iau, 6 Mehefin^⁠) ble cafodd ei ddedfrydu i chwe blynedd ac wyth mis am ddau achos o drais.  

Cafodd hefyd orchymyn i gofrestru fel troseddwr rhyw am oes.

Riportiodd y dioddefwr, a oedd yn 16 ar y pryd y digwyddiadau i'r heddlu ym mis Ebrill eleni. 

Ar ôl ei denu i'w gartref ddwywaith, treisiodd Price y ferch ar y ddau achlysur cyn iddi ddweud wrtho ei bod hi'n ofni ei bod hi'n feichiog. 

Dywedodd y buasai hi 'mewn trwbl" tasai hi'n dweud wrth unrhyw un.

Ar ôl i'r dioddefwr riportio'r ymosodiadau hyn, dihangodd Price ond cafodd ei arestio ar glogwyn yn Amlwch a'i gadw yn y ddalfa. 

Dywedodd y Rhingyll Mark Dickson: “Roedd hyn yn ddigwyddiad erchyll i'r ferch ifanc hon a wnaeth ddangos dewrder rhyfeddol wrth ddod ymlaen i riportio troseddau Price.

"Dwi'n ei chymeradwyo am wneud hynny a'i chryfder drwy gydol yr achos.

"Dwi'n gobeithio y bydd hi'n gallu symud ymlaen yn ei bywyd, gan wybod y bydd Price nawr yn talu am eu ymosodiadau cywilyddus.  

“Dwi'n annog pawb sydd wedi cael eu cam-drin yn rhywiol i ddod ymlaen, gan wybod y byddwn ni'n gwneud popeth er mwyn ymlid troseddwyr a gwarchod y bobl fwyaf bregus yn ein cymdeithas ni."

Ymgyrch Unite ydy ein hymateb ni i drais yn erbyn merched a genethod.  Ceir mwy o wybodaeth yma -  Ymgyrch Unite | Heddlu Gogledd Cymru