Dyn 23 oed wedi gyhuddo yn dilyn lladrad mewn gorsaf danwydd Wrecsam

Mae dyn 23 oed wedi ei gyhuddo yn dilyn lladrad mewn gorsaf danwydd yn Wrecsam.

Riportiwyd y digwyddiad toc cyn 12.20am ar ddydd Sul, 9 Mehefin, yng ngarej Esso ar Ffordd Wrecsam, Rhostyllen.

Cafodd Corey Li, o Rhodfa Tudur, Rhostyllen, ei arestio ac yna’i gyhuddo ddoe (dydd Mercher, 12 Mehefin) gyda lladrad ac o fod ym meddiant dryll tanio ffug efo’r bwriad o achosi ofn o drais.

Cafodd ei remandio yn y ddalfa, ac mi wnaiff ymddangos yn Llys Ynadon yr Wyddgrug bore ‘ma.

Mae ail unigolyn o dan amheuaeth dal heb fod wedi ei adnabod.

Dywedodd y Ditectif Ringyll Claire Roberts: “’Dwi’n annog unrhyw un efo gwybodaeth allai helpu efo’n ymholiadau adnabod yr ail unigolyn o dan amheuaeth, i gysylltu hefo ni cyn gynted â phosib.

“Hoffwn eto dawelu meddwl y gymuned nad oes bygythiad ehangach i’r gymuned yn dilyn y digwyddiad yma.”

Dylai unrhyw un efo gwybodaeth ein cysylltu ni drwy’r wefan, neu drwy ffonio 101, gan ddefnyddio’r cyfeirnod 2400051887.