Dispersal order following Prestatyn disorder

Mae Gorchymyn Gwasgaru wedi ei gyhoeddi ynghanol tref Prestatyn, yn dilyn ymddygiad gwrthgymdeithasol yn ymwneud â phobl ifanc.

Mae hyn wedi digwydd oherwydd cynnydd yn y nifer o adroddiadau am ymddygiad gwrthgymdeithasol, difrod troseddol a throseddau yn erbyn y drefn cyhoeddus.

Mi gafodd unigolyn yn ei arddegau ei arestio ar amheuaeth o drosedd yn erbyn y drefn cyhoeddus yn gysylltiedig â chasineb , ac wedi derbyn amodau mechnïaeth i gadw draw o ardal y parc manwerthu.

Dywedodd yr Arolygydd Dros Dro, Ben Garnett: “‘Da ni’n cydnabod yr effaith niweidiol mae digwyddiadau fel hyn yn ei gael ar y gymuned a busnesau lleol.

“Mae ymholiadau ar y gweill er mwyn adnabod y rhai sy’n gysylltiedig â’r digwyddiadau. Os oes gennych chi unrhyw wybodaeth gallai ein helpu ni, neu efallai fideo neu fideo camera cerbyd o’r digwyddiad, cysylltwch efo ni.

“Hoffwn ddiolch i’r gymuned am ein hysbysu yn gyflym tra ‘roedd y digwyddiad yn mynd ymlaen.

“Bydd rhagor o batrolau yn yr ardal dros y dyddiau nesaf er mwyn atal rhagor o ddigwyddiadau o ymddygiad gwrthgymdeithasol ac anhrefn.”

Mae’r gorchymyn gwasgaru yn cwmpasu’r ardal wedi’i hamlinellu ar y map isod, ac mi fydd mewn lle tan 7.30pm ar 13 Mehefin.

Mae’r gorchymyn yn caniatáu i’r heddlu ofyn wrth unrhyw un adael yr ardal os maen nhw’n credu bod rhywun yn ymddwyn yn wrthgymdeithasol, neu yn debygol o wneud.

Dylai unrhyw un efo gwybodaeth gallai ein helpu ni efo’n ymholiadau gysylltu’r heddlu drwy ein gwefan, drwy ffonio 101, neu yn ddienw drwy Crimestoppers, gan ddefnyddio’r cyfeirnod 24000519995.