Apêl yn dilyn sawl byrgleriaeth yn ardal Llanberis

Mae swyddogion yn cynyddu patrolau yn ardal Llanberis ar ôl tri byrgleriaeth dros yr wythnos diwethaf.

‘Roedd y digwyddiad cyntaf yn fyrgleriaeth gais dros nos rhwng 29 a 30 Mai mewn eiddo ar Stryd Fawr Deiniolen. Dylai unrhyw un â gwybodaeth gysylltu efo ni, gan ddefnyddio’r cyfeirnod 24000484966.

Credir bod yr ail ddigwyddiad wedi digwydd rhwng 2.30am a 3.30am ar 3 Mehefin, mewn eiddo busnes ar Ffordd yr Orsaf, Llanberis. Mae wedi ei riportio bod dyn a dynes wedi eu gweld yn yr ardal cyn gyrru i ffwrdd. Dylai unrhyw un â gwybodaeth gysylltu efo ni, gan ddefnyddio’r cyfeirnod 24000494986.

Digwyddodd y trydydd ddigwyddiad dros nos rhwng 3 a 4 Mehefin, mewn cyfeiriad yn ardal Fron Goch Llanberis, lle cafodd  dau feic mynydd eu dwyn. Dylai unrhyw un â gwybodaeth gysylltu efo ni, gan ddefnyddio’r cyfeirnod 24000497959.

Dywedodd Rhingyll Cefnogol yr Ardal, Andy Davies: “’Dwi’n annog y gymuned leol i fod yn wyliadwrus o weithgareddau amheus ar ôl hysbysiadau o fyrgleriaethau yn ardal Llanberis. Riportiwch unrhyw ymddygiad amheus i’r heddlu.

“’Da ni’n cynyddu ein patrolau yn Llanberis a’r ardal ehangach gyda’r nos a dros nos er mwyn atal digwyddiadau pellach.”

Os oes gennych chi wybodaeth allai helpu efo’n ymholiadau, cysylltwch â’r heddlu drwy ein gwefan, drwy ffonio 101, neu yn ddi-enw drwy Crimestoppers ar 0800 555 111.