Lansiad ymgyrch i dargedu troseddau cefn gwlad yng Ngwynedd
Cynnwys y prif erthygl
Mae patrolau gyda’r nos ychwanegol wedi’u lansio yng Ngwynedd, fel rhan o ymgyrch i daclo troseddau cefn gwlad.
Mae’n dilyn hysbysiadau diweddar o fyrgleriaethau yn Ne Gwynedd, yn targedu eiddo mewn ardaloedd cefn gwlad.
Nod Ymgyrch Mantel ydy darparu presenoldeb heddlu amlwg er mwyn tawelu meddwl y cymunedau ac atal troseddau cefn gwlad.
Mae patrolau hyd yn hyn wedi’u cynnal yn Llanwrin, Esgairgeiliog, Dinas Mawddwy, Corris a Dolgellau.
Dywedodd y Cwnstabl Gina Cinderby: “Fel mae’n tywyllu gyda’r nos unwaith eto, ‘da ni’n atgoffa cymunedau cefn gwlad i fod yn wyliadwrus ac i riportio unrhyw weithgareddau amheus.
“Sicrhewch fod pethau gwerthfawr dan glo, a chadwch eich goriadau ar wahân mewn lle diogel.
“Mae gosod CTCC a goleuadau synhwyro symudiad yn gallu atal lladron rhag targedu eiddo.”
Am ragor o wybodaeth am ein menter Dangos y Drws i Drosedd, ewch i’n gwefan.