Dyn wedi’i garcharu ar ôl ymosod ar swyddog heddlu
Cynnwys y prif erthygl
Mae dyn 45 oed wedi ei garcharu yn dilyn ymosodiad ar ddau swyddog heddlu yng Nghaernarfon ar ddydd Llun, 16 Medi.
Mi ymddangosodd Dewi Glyn Parry, o Ffordd Llandygai, Llandygai, yn Llys Ynadon Caernarfon ddoe, dydd Mawrth 17 Medi, ar ôl cyfaddef ymosod ar ddau weithiwr y gwasanaethau brys.
O gwmpas 9pm nos Lun, aeth swyddogion heddlu i ardal Lôn y Bryn yng Nghaernarfon ar ôl cael adroddiadau am anhrefn.
Ar ôl cyrraedd, dechreuodd Parry fod yn ymosodol tuag at y swyddogion, gan wthio un swyddog i’r llawr, a chydio swyddog arall, gan roi pwysau ar ei garddwrn ac achosi chwydd iddi.
Mi gyrhaeddodd swyddogion ychwanegol i helpu, ac mi gafodd Parry ei arestio a’i gludo i’r ddalfa yng Nghaernarfon.
Mi gafodd ei garcharu am 12 wythnos.
Dywedodd Ian Roberts, Arolygydd Gogledd Gwynedd: “’Roedd ymddygiad Parry tuag at swyddogion heddlu oedd yn ceisio gwneud eu gwaith yn annerbyniol.
“Ni fydd ymosodiadau ar weithwyr y gwasanaethau brys yn cael eu goddef, ac mi wnawn ni eu trin yn gadarn.”
Os oes gyno chi unrhyw wybodaeth ynglŷn â chyflenwi cyffuriau yng Nghaernarfon, cysylltwch efo Crimestoppers yn ddienw drwy eu gwefan nhw, neu drwy ffonio 0800 555 111.