Carchar i ddyn 71, o Wrecsam, am gam-drin plentyn yn rhywiol

 

Mae dyn, 71 oed, o Wrecsam wedi ei garcharu am gam-drin plentyn yn rhywiol.

Cyfaddefodd David Rowland, sydd heb gyfeiriad sefydlog, iddo ymosod yn rhywiol ar blentyn dros gyfnod o amser rhwng Awst 2022 a Mehefin 2023.

Cafod ddedfryd o 10 mlynedd yn y carchar yn Llys y Goron, Yr Wyddgrug heddiw.

Cafodd Rowland ei riportio i’r heddlu ym Mehefin 2023, pan wnaeth plentyn, na all eu hadnabod am resymau cyfreithiol, ddweud wrth ei mam ei bod wedi dioddef ymosodiadau rhywiol ganddo, sawl gwaith.

Cafodd Rowland ei arestio, ac fe atafaelwyd dyfeisiau, gan gynnwys ei ffôn a’i gyfrifiadur.

Fe wnaeth archwiliadau o’i ddyfeisiau ddarganfod nifer o archwiliadau’r we a lluniau a oedd yn arwydd o’i ddiddordeb rhywiol mewn plant mewn troseddu’n rhywiol.

Ar ôl y dedfrydu heddiw, dywedodd y swyddog archwilio, Ditectif Gwnstabl Ben Franklin: “’Dwi’n cymeradwyo’r dioddefwr am ei dewrder aruthrol yn cyfaddef i’w mam ac yn cymryd y cam anodd yn riportio’r achos i ni.

“Mae ei dewrder, drwy ein hysbysu er mwyn atal Rowland rhag cam-drin ymhellach, wedi arwain at  ei arestio, a gyda’n gilydd, gyda chefnogaeth ei mam drwy gydol yr archwiliad, hefyd wedi arwain at ei garchariad am 10 mlynedd heddiw.

“’Rydym yn ymroi i erlyn troseddwyr o droseddau rhywiol, a buaswn yn annog unrhyw un sydd eisiau riportio digwyddiad i ddod atom i siarad efo ni.

“’Rydym yn cymryd pob digwyddiad o drais yn erbyn merched a genethod (VAWG) o ddifri, ac fe wnaiff digwyddiadau o’r math yma barhau i fod yn flaenoriaeth i’r heddlu.”