Digwyddiad Gwasanaethau Cynghori Goroeswyr

Mae digwyddiad anffurfiol i oroeswyr cam-drin domestig rannu eu safbwyntiau a’u profiadau o sut mae Heddlu Gogledd Cymru a’i bartneriaid yn ymdrin â’u hachos yn cael ei chynnal mis yma.

Diben y digwyddiad yw cael cyfranogiad ac ymgysylltiad goroeswyr fel y gall asiantaethau ddysgu o’r adborth er mwyn gwella’r gwasanaeth.

Meddai’r Ditectif Rhingyll Vicky Keegans o Heddlu Gogledd Cymru: “Mae’n hynod o bwysig ein bod ni’n clywed gan amrywiaeth o bobl gyda phrofiad byw o gam-drin domestig ac eu bod yn gallu defnyddio eu llais i helpu i greu newid ystyrlon.

“Rydym yn deall bydd hi'n anodd mynd i'r cyfarfod, ond byddwch yn dawel eich meddwl y bydd y digwyddiad yn ddiogel. Bydd gwasanaethau cymorth ar gael i'r rhai hynny sy'n bresennol os oes angen. Bydd y digwyddiad yn drafodaeth grŵp anffurfiol lle y gall y rhai hynny sy'n bresennol gyfrannu pan maent yn gyfforddus gwneud.”

Cynhelir y digwyddiad yn rhithiol ar Teams am 10am ar ddydd Mawrth, Mai 21.

Er mwyn cofrestru eich diddordeb neu os oes gennych unrhyw gwestiynnau, e-bostiwch: [email protected]

Dalier sylw:

• Er mwyn cadw diogelwch a phreifatrwydd pawb sy’n bresennol, byddwn angen ychydig o fanylion personol er mwyn cadarnhau pwy sy’n bresennol.
• Gwnawn ddalennu manylion y cyfarfod sydd ar Microsoft Teams 48 awr o flaen llaw i bawb yr ydym wedi cael cadarnhad o bwy ydynt.