Cynnydd yn yr adroddiadau am feiciau oddi ar y ffordd anghyfreithlon ym Methesda

‘Da ni wedi cael gwybod gan drigolion lleol bod beiciau oddi ar y ffordd yn cael eu gyrru’n beryglus ac yn anghyfreithlon yn ardal Bethesda.

‘Da ni’n gofyn i unrhyw un efo gwybodaeth am y digwyddiadau yma, neu yn gwybod pwy sy’n gyfrifol, i gysylltu efo ni.

Dywedodd Dan Dent, Rhingyll Plismona Cymdogaethau: “’Da ni’n cymryd yr wybodaeth yma o ddifri, oherwydd bod ni’n deall yr aflonyddwch mae’n achosi yn ein cymunedau ni.

“Er mwyn i ni fedru targedu y rhai sy’n gyfrifol ac atafaelu’r beiciau, ‘da ni’n gofyn i aelodau’r cyhoedd roi gwybodaeth am y gyrwyr, cyn i wrthdrawiad difrifol ddigwydd.”

Gallai unrhyw un efo gwybodaeth am feicio oddi ar y ffordd ym Methesda ffonio Crimestoppers yn ddienw ar 0800 555 111, neu drwy eu gwefan. Fel arall, gallwch chi gysylltu efo’r heddlu drwy ein gwefan ni neu drwy ffonio 101.