Ymgyrch Restore yn cael canlyniadau wrth ymdrin hefo ymddygiad gwrthgymdeithasol

Ym mis Ebrill, mi wnaethom ni lansio rhaglen o fesurau er mwyn taclo trais difrifol ac ymddygiad gwrthgymdeithasol ledled y rhanbarth.

O dan y rhaglen, fydd yn parhau drwy gydol 2024 ac i 2025, mae adnoddau patrôl ychwanegol yn cael eu dosbarthu i ardaloedd lle mae’r math yma o droseddau yn fwy cyffredin.

O dan yr enw ‘Ymgyrch Restore’, mae’r gallu gweithredol uwch wedi’i fuddsoddi gan y Swyddfa Gartref, fel rhan o’i fenter “Ymateb i Lecynnau”.

‘Da ni’n falch medru adrodd ein bod ni’n gweld canlyniadau cadarnhaol yn barod, ac, ers lansio, mae dros 1000 o oriau o batrolau ychwanegol yn benodol ar gyfer llecynnau wedi cymryd lle.

Nid yn unig mae hyn wedi cynyddu ein hamlygrwydd mewn ardaloedd problemus, ond, diolch i ymgysylltiad â thrigolion lleol, busnesau a chynghorwyr, ‘da ni wedi arestio 14 o weithiau am amryw o droseddau, gan gynnwys bod ym meddiant arfau, bod ym meddiant cyffuriau dosbarth A efo’r bwriad o gyflenwi, a throseddau trefn gyhoeddus.

Hyd yn hyn, yn ystod y patrolau ychwanegol yma, ‘da ni wedi gwneud 35 achos o stopio a chwilio, ac mae’r patrolau wedi nodi problemau penodol ynglŷn ag ymddygiad gwrthgymdeithasol, sy’n golygu ein bod yn ymgynghori yn rhagweithiol efo’n partneriaid a sefydliadau’r trydydd sector, er mwyn helpu patrolau yn y dyfodol a  chyflawni ymateb cydweithredol ar gyfer nodi’r achosion gwreiddiol o’r digwyddiadau yma.

Yn ychwanegol, ‘da ni wedi cynnal ymgyrchoedd Troseddau Ffyrdd arbennig, gan dargedu defnydd gwrthgymdeithasol, risg mawr o gerbydau, gan gynnwys defnydd o gerbydau wedi’u haddasu a rasio ar y stryd.

Dywedodd y Prif Arolygydd Matt Geddes, arweinydd Ymgyrch Restore i HGC: “’Dwi’n falch o weld canlyniadau cadarnhaol cynnar efo Ymgyrch Restore.

“Mi wnaiff y mentrau o dan sylw yma barhau, a ‘da ni’n adolygu’r data trosedd a digwyddiadau yn barod o'r ardaloedd yma ac yn teilwra ein hymateb gweithredol yn briodol ac yn gymesurol.

“Mi hoffwn i ddiolch i’n cymunedau lleol, sy’n rhoi gwybodaeth gwerthfawr i ni fedru gweithredu arno. Os oes gan unrhyw un wybodaeth ynglŷn ag ymddygiad gwrthgymdeithasol neu droseddu treisgar, ond yn teimlo na fedran nhw siarad efo’r tîm plismona lleol, mi hoffwn i eu hannog i gysylltu efo Crimestoppers yn ddienw ar 0800 555 111 a sôn am Ymgyrch Restore.”