Carcharu dyn am ladrata yng Nghaernarfon
Cynnwys y prif erthygl
Mae dyn 36 oed wedi cael ei garcharu ar ôl cyfaddef ymosod ar ddyn a dwyn ei eiddo.
Ymddangosodd Trefor Glyn Evans o Ffordd y Gogledd yn Llys y Goron, Caernarfon ar ddydd Mawrth, 25 Gorffennaf ar ôl cyfaddef i droseddau lladrata.
Gyda’r nos ar 29 Ionawr roedd dyn yn cerdded adref yn ardal Afon Goch yng Nghaernarfon pan wnaeth Evans ei fygwth a gofyn am arian oddi wrtho. Dechreuodd Evans ymosod ar y dyn, ei guro a'i gicio yn ei ben. Cymerodd ei ffôn, a hefyd ei got, ei het a'i esgidiau.
Llwyddodd y dyn i redeg i ffwrdd i'r orsaf heddlu a riportio'r hyn a wnaeth ddigwydd.
Llwyddodd swyddogion i ganfod Evans a'i arestio ychydig yn ddiweddarach ar yr un noson.
Cafodd ei garcharu am bedair blynedd a thri mis. Derbyniodd orchymyn atal yn nodi na ddylai gysylltu â'r dioddefwr am gyfnod o 10 mlynedd.
Dywedodd y Rhingyll Cynorthwyol Andy Davies: “Dylai pawb deimlo'n ddiogel pan maen nhw allan yn eu cymuned heb ofn bod rhywun yn mynd i ymosod arnynt.
"Gobeithio y bydd dedfryd Evans yn rhoi sicrwydd i bobl na fydd trais yn cael ei oddef a byddwn yn erlid pawb sy'n ceisio achosi niwed."