Man, 50, jailed for chid sex assaults

Mae dyn wedi cael ei garcharu am chwe blynedd am ymosod ar ddau blentyn yn rhywiol.

Ymddangosodd Alan Drew, o Gwrt Sefton, Hen Golwyn ger bron Llys y Goron Caernarfon er mwyn cael ei ddedfrydu heddiw, (dydd Iau, 25 Gorffennaf) ar ôl i reithgor ei gael yn euog o 11 trosedd.

Roedden nhw'n cynnwys gweithgarwch rhywiol hefo plentyn, cyfathrebu rhywiol hefo plentyn, annog plentyn i gymryd rhan mewn gweithgarwch rhywiol, foyeuriaeth a gwneud delweddau anweddus o blentyn.

Cyflawnodd y dyn 50 oed y troseddau yn erbyn dwy ferch ifanc dros gyfnod rhwng mis Ionawr 2019 a mis Mehefin 2021.

Cafodd ymchwiliad ei lansio ym mis Mehefin 2021 ar ôl i un o'r dioddefwyr ddweud wrth ffrind eu bod wedi dioddef ymosodiad rhywiol gan Drew, gafodd ei riportio i'r heddlu.

Roedd Drew wedi anfon neges Snapchat at y dioddefwr yn ymddiheuro am yr hyn oedd wedi digwydd a dywedodd y byddai'n digwydd dim ond eto pe bai hi eisiau hynny.

Cafodd ei arestio'n ddiweddarach, ond cafodd ei ryddhau o dan ymchwiliad, nes iddo gael ei gyhuddo ym mis Mehefin 2023.

Cafodd Drew orchymyn atal hefyd yn cwmpasu'r dioddefwyr ac fe gafodd orchymyn atal niwed rhywiol.

Rhaid iddo hefyd gofrestru hefo'r heddlu fel troseddwr rhyw am oes.

Dywedodd y Swyddog Ymchwilio sef y Ditectif Gwnstabl Delyth Jones: "Mi fuaswn i'n hoffi canmol y ddau ddioddefwr am y dewrder y maen nhw wedi'i ddangos trwy gydol yr ymchwiliad hwn.

"Nid ydy Drew wedi ystyried yr un ohonyn nhw trwy wrthod cyfaddef ei droseddau. Yn hytrach, fe wnaeth eu gorfodi nhw ail-fyw eu profiadau yn y llys, a oedd yn hynod anodd i'r ddau.

"O ganlyniad i'w dewrder a'r dystiolaeth a gafodd ei chasglu, yn enwedig gwaith pwrpasol y swyddog fforensig digidol a ddadansoddodd declynnau Drew, llwyddodd y rheithgor weld trwy ei gelwyddau.

"Dwi'n gobeithio y bydd y ddedfryd hon yn caniatáu i'r merched symud ymlaen hefo'u bywydau, gan wybod na fydd Drew yn gallu niweidio unrhyw blant eraill."