Tresmaswr wedi’i garcharu am 10 mlynedd am ymosodiad rhywiol tra ‘roedd dynes yn cysgu

Mae dyn 49 oed wedi ei garcharu ar ôl cerdded i fewn y dŷ  dynes yn ddigroeso, ac ymosod arni hi’n rhywiol tra ‘roedd hi’n cysgu.

Mi dresmasodd Ian Wynne Williams, o Mount Road, Llanfairfechan, i dŷ’r ddynes, a thynnu ei ddillad cyn dringo i’w gwely.

Mi ymddangosodd yn Llys y Goron, Caernarfon ar ddydd Llun, 8 Gorffennaf, ar ôl euogfarn am ymosodiad rhywiol a thresmasu ymwybodol efo’r bwriad o gyflawni trosedd rhywiol.

Roedd y digwyddiad ym mis Rhagfyr 2022, pan gafodd y ddynes ei deffro gan rhywun yn ei chofleidio o’r tu ôl iddi hi. Mi wnaeth hi sgrechian, gan ddeffro ei mab, a wnaeth orfodi Williams o'r tŷ.

Mi gafodd ei garcharu am gyfnod estynedig o 10 mlynedd. Mi dderbyniodd orchymyn atal amhenodol i beidio cysylltu efo’r dioddefwr.

Dywedodd y Ditectif Gwnstabl Jennifer Williams: “’Roedd hwn yn ddigwyddiad brawychus ofnadwy wnaeth ddigwydd yng nghartref y dioddefwr tra ‘roedd hi’n cysgu.

“’Roedd hyn yn ymyriad ar ei diogelwch hi, sydd wedi cael effaith fawr ar ei bywyd.

“’Roedd hi’n ddewr iawn drwy gydol yr ymchwiliad, a ‘dwi’n gobeithio bod y ddedfryd yn tawelu ei meddwl na fedr Williams achosi niwed i ragor o ferched.

“’Dwi’n annog unrhyw un sydd wedi cael profiad o ymosodiad rhywiol i ddod atom ni a chael help. Mi wnawn ni wrando ac erlid troseddwyr.”